བོད་ཟས་བཟོ་ཕྱོགས་སོགས་ཀྱི་ལས་འགུལ་འདྲ་མིན་སྤེལ་བཞིན་པ།

གནད་དོན་གླེང་མོལ་གྱི་ལས་རིམ་ནང་།  ཕྱི་ཟླ་ ༤ ཚེས་ ༣ ནས་དབུ་འཛུགས་ཀྱིས་ཨོས་ཊྲེ་ལི་ཡ་བོད་དོན་ལྷན་ཁང་གིས་དྲ་ལམ་ཐོག་ནས་བོད་ཟས་བཟོ་ཕྱོགས་དང་།  བོད་ཀྱི་རོལ་དབྱངས་གཟིགས་འབུལ།  བོད་ཀྱི་ནང་ཆོས་ཐོག་ནས་ད་ལྟའི་ཛ་དྲག་ནད་ཡམས་ཁྱབ་གདལ་གྱི་སྐབས་འདིར་སེམས་སྟེང་གི་དཀའ་སྡུག་ལ་གཉེན་པོ་བསྟེན་པའི་སྒོམ་སྒྲུབ་ཉམས་ལེན་བྱེད་ཕྱོགས་བཅས་བོད་དོན་ལས་འགུལ་རིམ་པ་ཁག་ཅིག་སྤེལ་བཞིན་ཡོད་པ་དང་བསྟུན།  ཨོས་ཊྲེ་ལི་ཡ་བོད་དོན་ལྷན་ཁང་གི་འགན་འཛིན་བོད་མི་མང་ཨོས་ཊྲེ་ལི་ཡ་དང་ཤར་ཨེ་ཤེ་ཡའི་སྤྱི་འཐུས་གདོང་འདུས་སྐྱིད་འཛོམས་ལགས་དང་།  བོད་ཀྱི་སྒྱུ་རྩལ་བ་བསྟན་འཛིན་ཆོས་རྒྱལ་ལགས་དང་ལྷན་ཨེ་ཤེ་ཡ་རང་དབང་རླུང་འཕྲིན་ཁང་གི་གསར་འགོད་པ་བཀྲིས་དབང་ཕྱུག་ལགས་ཀྱིས་གླེང་མོལ་ཞུས་པར་གསན་རོགས་གནང་།།