ཨི་ཊ་ལིའི་རྒྱལ་ཁབ་ནང་བོད་མིའི་ཐོག་ལ་མང་ཚོགས་ནས་རྒྱབ་སྐྱོར་ཤུགས་ཆེ་གནང་གི་ཡོད་པ།

ཨི་ཊ་ལི་ནང་བོད་མི་གཏན་སྡོད་བྱེད་མཁན་མི་འབོར་ཉུང་ངུ་ལས་མེད་ནའང་། ཡུལ་དེའི་མང་ཚོགས་ཀྱིས་བོད་མིའི་ཐོག་ལ་ཆབ་སྲིད་དང་རོགས་སྐྱོར་གྱི་ལས་དོན་ཤུགས་ཆེ་གནང་གི་ཡོད་པ་རེད། ཕྱི་ལོ་ ༡༩༨༠ གྱ་གྲངས་ནང་ཨི་ཊ་ལིར་སྤོ་བཞུད་བྱེད་པ་བདེ་ཆེན་སྒྲོལ་དཀར་ལགས་ཀྱིས་ཨི་ཊ་ལི་གཞུང་དང་རྒྱ་ནག་གཞུང་གཉིས་ཀྱི་དབར་ལ་འབྲེལ་བ་དམ་གཟབ་ཡོད་ཀྱང་ཨི་ཊ་ལི་མང་ཚོགས་ཀྱིས་བོད་དོན་ལ་རྒྱབ་སྐྱོར་གནང་སྟངས་འདི་དམིགས་བསལ་བ་ཞིག་ཡོད་པ་འགྲེལ་བརྗོད་གནང་གི་འདུག ཐེངས་འདིའི་གནད་དོན་གླེང་མོལ་གྱི་ལས་རིམ་ནང་། ཨེ་ཤེ་ཡ་རང་དབང་རླུང་འཕྲིན་ཁང་གི་རྩོམ་སྒྲིག་འགན་འཛིན་བཀྲིས་དབང་ཕྱུག་ལགས་ཀྱིས་བདེ་ཆེན་སྒྲོལ་དཀར་ལགས་སུ་བཀའ་དྲི་ཞུས་པ་ཞིག་གསན་རོགས་གནང་།།

གསར་འགོད་པ། བཀྲིས་དབང་ཕྱུག
རྩོམ་སྒྲིག་པ། ཚེ་བརྟན་རྣམ་རྒྱལ།
དྲ་ཐོག་སྤེལ་མཁན། རྟ་མགྲིན་དབང་ཕྱུག