ຍານາງຊູຈິຮຽກຮ້ອງ ປ່ຽນແປງຣັຖທັມນູນ

ໃນມື້ວັນ ອາທິດ ຫລັງຈາກທີ່ ນາງ ປະຕິເສດ ເຂົ້າຮ່ວມ ໃນປີ ທີ່ຜ່ານມາ ພ້ອມທັງ ປະກາດ ແຜນການ ຫາສຽງເລືອກຕັ້ງ ຢ່າງເປັນ ທາງການ ຂອງຍານາງ. ປະຊົນຊົນ ຫລາຍພັນຄົນ ອອກມາໃຫ້ ການສນັບ ສນູນ ນາງ ຕາມທ້ອງຖນົນ ແລະ ຫລາຍຄົນ ກໍຮ້ອງວ່າ ມານດາ ອອງຊານຊູຈີ ຈົ່ງຫມັ້ນຢືນ ຂະບວນຣົຖ ຂອງຍານາງ ຜ່ານໄປຕາມ ເມືອງຊາຍທະເລ ດາໄວ ທາງພາກໃຕ້ ຫ່າງຈາກ ນະຄອນ ຢ້່າງກຸ້ງ ບ່ອນທີ່ນາງ ຢູ່ ປະມານ 615 ກິໂລແມັດ.

ການອອກ ຫາສຽງເທື່ອນີ້ ເປັນການ ອອກນອກ ນະຄອນຢ້າງກຸ້ງ ຂອງນາງ ເທື່ອທີ 4 ຫລັງຈາກທີ່ນາງ ຖືກປ່ອຍຕົວ ຈາກການ ກັກຂັງ ບໍຣິເວນ ໃນປີ 2010 ສະແດງໃຫ້ເຫັນ ເຖິງຄວາມ ໂດງດັງ ຂອງຍານາງ ກ່ອນທີ່ ພະມ້າ ຈະອອກຈາກ ການຢູ່ ໂດດດ່ຽວ ມາເກືອບເຄີ່ງ ສັຕວັດ.

ຍານາງ ໄດ້ກ່າວ ປາໄສ ຕໍ່ກຸ່ມທີ່ມາ ໃຫ້ການ ສນັບສນູນ ທີ່ເມືອງ ດາໄວວ່າ ຍັງມີກົດຫມາຍ ຣັຖທັມມະນູນ ຫລາຍມາຕຣາ ໃນຣັຖບານ ພະມ້າ ທີ່ຍັງເປັນ ອຸປສັກ ຕໍ່ສິດ ເສຣີພາບ ຂອງ ປະຊາຊົນ ທີ່ພັກ ຂອງ ຍານາງ ຈະລົບລ້າງຖີ້ມ ຖ້າຖືກເລືອກ ເຂົ້າໃນສະພາ.