ກໍາພູຊາເປັນເຈົ້າພາບ ປະຊຸມຜູ້ຍິງອາຊຽນ

ກຳພຸຊາ ເປັນເຈົ້າພາບ ໃນກອງປະຊຸມ ຄນະກັມມະການ ແມ່ຍິງ ອາຊຽນ ASEAN ວ່າດ້ວຍ ບັນຫາ ການຫ່າງຈາກກັນ ທາງດ້ານເພດ ຫລື Gender ໃນຂົງເຂດ.
ທ່ານ ເຊົາ ຢຸດ ເຈົ້າຫນ້າທີ ການຂ່າວ ກຳພຸຊາ ປະຈຳແຂວງ ຊຽມຣຽບ ໄດ້ເປີດເຜີຍ ໃຫ້ວິທຍຸ ເອເຊັຍເສຣີ ຮູ້ໃນມື້ນີ້ວ່າ:

ຜູ້ນຳ ເປັນແມ່ຍິງ ຈາກບັນດາ ປະເທດ ສະມາຊິກ ເອເຊັຍຕະເວັນ ອອກສ່ຽງໃຕ້ ລື ASEAN  ໄດ້ແກ່ ກຳພຸຊາ ລາວ  ບຣູໄນ  ອິນດູເນເຊັຍ  ມາເລເຊັຍ ພະມ້າ ສິງກາໂປ  ຟີລິບປີນ   ໄທແລະ ວຽດນາມ ໄດ້ເຂົ້າຮ່ວມ ກອງປະຊຸມ ວ່າດ້ວຍບັນຫາ ການຫ່າງຈາກກັນ ທາງດ້ານເພດ ຫຼື Gender ໃນຂົງເຂດ ເປັນເວລາ 2 ມື້ ເມື່ອມື້ວັນທີ່ 15-16 ເດືອນ ພຶສຈິກາ ປີ 2010 ຜ່ານມານີ້ ທີ ແຂວງຊຽມຣຽບ  ກຳພຸຊາ.

ໃນກອງປະຊຸມ ໄດ້ປືກສາ ຫາລືກ່ຽວກັບ ບັນຫາ ການ ຮ່ວມມືກັນ ການຊອກຫາ ຊ່ອງທາງ ການແກ້ບັນຫາ  ການບໍ່ ສເມີພາບ ລະຫວ່າງ ແມ່ຍິງ ແລະ ຜູ້ຊາຍ ການສຶກສາ ອົບຮົມ ຄວາມບໍ່ສເມີພາບ ທາງດ້ານ ວຽກງານ ຢູ່ໃນແຕ່ລະ ສະຖານບັນ ຫຼື ໃນແຕ່ລະ ສະຖານທີ ຕ່າງໆ  ແລະກໍ່ມີ ການສແວງຫາ ງົບປະມານ ເພື່ອຊ່ວຍເຫຼືອ ວຽກງານ ດ້ານ Gender ໃນຂົງເຂດ ASEAN ອີກດ້ວຍ.

ກອງປະຊຸມ ຄນະກັມມະການ ຜູ້ນຳ ແມ່ນຜູ້ຍິງ ASEAN ໄດ້ຈັດຂື້ນ ທຸກໆປີ ແລະໄດ້ ປືກສາ ຫາລືກັນ ຕໍ່ຫຼັກການ ສຳຄັນໆ ເປັນເຫດການ ກຳລັງປະເຊີນ ຢູ່ໃນແຕ່ລະ ປະເທດ ໃນຂົງເຂດ ASEAN.