ທຸຣະກິຈກາຣທ່ອງທ່ຽວ ໃນສປປລາວ

ທຸຣະກິຈກາຣທ່ອງທ່ຽວ ໃນສປປລາວ ມີກາຣຂຍາຍຕົວ ຫລາຍພໍສົມຄວນ ໃນຣະຍະ2ປີຜ່ານມາ ແລະຄາດວ່າຍັງຈະມີ ຫລາຍເພີ່ມຂຶ້ນເຖີງ 3.4 ຄົນພາຍໃນປີ 2015 ຫລືພາຍໃນ 5-6 ປີ ຂ້າງໜ້ານີ້. ອີງຕາມກາຣຣາຍງານ ຂອງໜັງສືພິມ ຜູ້ຈັດກາຣຣາຍວັນໄທຽ ສະບັບວັນທີ່ 9 ທັນວານີ້.

ທາງໜັງສືພີມ ໄດ້ແຈ້ງເພີ່ມວ່າ ສາເຫຕສຳຄັນທີ່ເຮັດໃຫ້ ມີນັກທ່ອງທ່ອງທ່ຽວ ເຂົ້າມາເມືອງລາວ ຫລາຍເພີ່ມຂື້ນໃນປີ 2009 ນີ້ນັ້ນກໍຍ້ອນວ່າ ມີກາຣແຂ່ງຂັນກິລາຊີເກມສ໌ ຄັ້ງທີ່ 25 ທີ່ທາງກາຣ ສປປລາວ ເປັນເຈົ້າພາບຄັ້ງ ປະວັຕກາຣ.

ນອກຈາກນັ້ນ ທາງໜັງສືພິມກໍວ່າ ໃນປີ 2010 ທີ່ຈະມາເຖິງ ໃນໄວໆນີ້ນັ້ນ ກໍຄາດວ່າ ຈຳນວນນັກທ່ອງທ່ຽວ ກໍຍິ່ງຈະມີຫລາຍ ເພີ່ມຂື້ນເຊັ່ນກັນ ຍ້ອນວ່າມີກາຣ ສເລີມສລອງກາຣສ້າງຕັ້ງ ນະຄອນຫລວງວຽງຈັນ ຄົບຮອບປີທີ່ 450  ພ້ອມກັບເປັນ ວາຣະຄົບຮອບ 60 ປີ ຂອງກາຣພົວພັນທາງ ກາຣທູຕຣະຫວ່າງລາວ ແລະໄທຽນຳດ້ວຍ.

ຢ່າງໃດກໍຕາມ ທາງອົງກາຣທ່ອງທ່ຽວ ແຫ່ງຊາຕຂອງລາວ ກໍຣາຍງານວ່າ ຣາຍຮັບທີ່ທາງກາຣລາວ ໄດ້ຈາກທຸຣະກິຈ ກາຣທ່ອງທ່ຽວ ອາຈມີຫລາຍເພີ່ມຂຶ້ນເຖີງ 1,000 ລ້ານ ດອລລາຣ໌ສະຫະຣັຖ ຕໍ່ປີພາຍໃນປີ 2015 ນີ້ກໍເປັນໄດ້ ຊຶ່ງຕົກເປັນປະມານ 70% ຂອງງົບປະມານ ຣາຍຈ່າຍປະຈຳປີ ຂອງທາງກາຣລາວ.