ສັນຍາວຽງຈັນ 1973

ວັນທີ 21 ກຸມພາ ປີນີ້ ສັນຍາ ວຽງຈັນ ທີ່ມີ ຄວາມສໍາຄັນ ສໍາລັບ ສັນຕິພາບ ແລະ ຄວາມປອງດອງ ຢູ່ລາວ ກໍ ຄົບຮອບ 40 ປີ, ແຕ່ ສັນຍານັ້ນ ບໍ່ໄດ້ຮັບ ການ ປະຕິບັດ ຊຶ່ງ ເປັນສາເຫດ ຕົ້ນຕໍ ຂອງ ຄວາມແຕກແຍກ ໃນລາວ ແລະ ເກີດມີ ລາວໃນ ລາວນອກ. ເພື່ອຈົດຈໍາ ໃນວັນສໍາຄັນ ຂອງຊາດລາວ, ຂະບວນການ ລາວ ເປັນລາວ ຍຸກ ໃໝ່ ແລະ ຊາວລາວ ໄດ້ຈັດ ການປະທ້ວງ ຂຶ້ນທີ່ ສະຫະຣັດ ອະເມຣິກາ. ສເນີໂດຍ : ຈໍາປາທອງ

ສັນຍາ ວຽງຈັນ ລົງວັນທີ 21 ກຸມພາ 1973 ກ່ຽວກັບ ການຟື້ນຟູ ສັນຕິພາບ ແລະ ປະຕິບັດ ຄວາມຖືກຕ້ອງ ປອງດອງຊາດ ທີ່ເຊັນກັນ ຣະຫວ່າງ “ຟ່າຍຣັຖບານວຽງຈັນ“ ແລະ “ຟ່າຍປະເທດລາວ“, ເປັນສັນຍາ ຢຸດຍິງ ແລະ ແລກ ປ່ຽນນັກໂທດ ເຮັດໃຫ້ລາວ ໂຮມກັນ ເປັນເອກພາບ ເຂົ້າຢູ່ໃນ ວົງສາຄນະຍາດ ດຽວກັນ, ເພື່ອຮ່ວມກັນ ສ້າງສາ ປະເທດ ແລະ ຕ້ານທານ ການຮຸກຮານ ຂອງປະເທດ ເພື່ອນບ້ານ.