ຣະດົມຊາວວຽງຈັນ ໃຫ້ເປັນເຈົ້າພາບ ທີ່ດີ ໃນງານ ມະຫາກັມ ກິລາ ຊີເກມ

ທາງການລາວຣະດົມ ໃຫ້ຊາວນະຄອນ ຫລວງວຽງຈັນ ປະພຶດຕົນໃຫ້ດີ ແລະໃຫ້ເປັນ ເຈົ້າພາບທີ່ດີ ໃນງານມະຫາກັມ ກິລາຊີເກມຄັ້ງທີ່ 25 ຢູ່ລາວໃນທ້າຍປີນີ້.

ເມື່ອບໍ່ດົນຜ່ານມາ ທາງການລາວໄດ້ ອອກຂໍ້ແນະນຳ ໃຫ້ຊາວລາວໃນນະຄອນ ຫລວງປະຕິບັດ ສີ່ຂໍ້ ຄື

1.ຕ້ອງຍົກສູງ ຊະຕິຊາດ ແລະນ້ຳໃຈຮັກຊາດ ແລະໃຫ້ເຂົ້າໃຈ ກ່ຽວກັບຄວາມສຳຄັນ ຂອງການເປັນເຈົ້າພາບ ຈັດການແຂ່ງຂັນ ກິລາຊີເກມ; ຊາວນະຄອນ ຫລວງວຽງຈັນ ທຸກຄົນເປັນຕົວແທນ ໃຫ້ແກ່ຄົນ ລາວທັງຊາດ;

2. ໃຫ້ເປັນເຈົ້າການ ເອົາໃຈໃສ່ຊ່ວຍ ປ້ອງກັນຊາດ ແລະຮັກສາຄວາມ ສງົບ;

3. ໃຫ້ຊຸກຍູ້ສົ່ງເສີມ ການຜລິດສິນຄ້າ ແລະໃຫ້ການ ບໍຣິການທີ່ດີ ເພື່ອເປັນຕ້ອນ ຮັບແຂກຕ່າງປະເທດ, ສຳຣັບພວກທີ່ເປັນ ພໍ່ຄ້າແມ່ຄ້າ ບໍ່ຄວນສວຍໂອກາດ ຂື້ນຣາຄາສິນຄ່າ ໃນເວລາມີການ ແຂ່ງຂັນກິລາ ຄັ້ງສຳຄັນດ່ັງກ່າວ;

4. ຊາວນະຄອນຫລວງວຽງຈັນ ຕ້ອງດຳຣົງບົດບາດ ເປັນຕົວແທນໃນການ ເຜີຍແຜ່ປະເພນີ ວັທນະທັມ ອັນດີງາມຂອງຊາດ ເຊັ່ນຕ້ອງນຸ່ງຖື ໃຫ້ຈົບງາມ ຕາມລັກຊະນະ ຂອງຊາດລາວ ດັ່ງນີ້ເປັນຕົ້ນ.

 ປັດຈຸບັນ ການກະຕຽມຈັດ ການແຂ່ງຂັນກິລາຊີເກມ ກຳລັງດຳເນີນ ໄປຢ່າງຂຸ້ນຂ້ຽວ ສະຖານທີ່ບາງແຫ່ງ ຖືກສ້າງໃກ້ ຈະສຳເຣັດແລ້ວ.