ອະນຸສາວະຣີ ນັກຮົບເກົ່າ ມົ້ງ ແລະ ລາວ, ຣັດ ມິນເນໂຊຕາ ສະຫະຣັດ ອາເມຣິກາ

ຣັດ ມິນນີໂຊຕາ ສະຫະຣັດ ອາເມີິຣິກາ ມີ ແຜນການ ທີ່ ຈະສ້າງ ອະນຸສາວະຣີ ເພື່ອ ສັນລະເສີນ ແລະ ເປັນກຽດ ໃຫ້ແກ່ ກອງກຳລັງ ຊາວມົ້ງ ຫລື ກອງກຳລັງ ພິເສດ ທີ່ ໄດ້ໃຫ້ ການຊ່ວຍເຫລືອ ກອງທັບ ສະຫະຣັດ ຢູ່ ປະເທດລາວ ສະໄໝ ສົງຄາມ, ຕາມຂ່າວ ຂອງ ອົງການຂ່າວ AP ຈາກ ຣັດ ມິນເນໂຊຕາ ໃນວັນທີ 21 ພຶດສະພາ 2008 ນີ້.

ໜັງສືພິມ The St. Paul Pioneer ລາຍງານ ວ່າ ຣັດ ມິນເນໂຊຕາ ຂະນະນີ້ ຢູ່ ຣະຫວ່າງ ການຊອກຫາ ນັກສະຖາປະນິກ ອອກແບບ ອະນຸສາວະຣີ ນັ້ນ.

ອະນຸສາວະຣີ ມິນເນໂຊຕາ ສຳລັບ ກອງກຳລັງ ພິເສດ ຢູ່ ລາວ ຈະຖືກ ສ້າງຂື້ນ ຢູ່ເດີ່ນ ສະພາ Congress ຂອງ ຣັດ ມິນເນໂຊຕາ ຊຶ່ງຢູ່ໄກ້ກັບ ອະນຸສາວະຣີ ວຽດນາມ ຢູ່ຣັດ ມິນເນໂຊຕາ.

ທ່ານ ຈູ ວື, ປະທານ ຄະນະ ກຳມະການ ສ້າງຮູບປັ້ນ ນັກຣົບເກົ່າ ມົ້ງ ແລະ ລາວ ເວົ້າວ່າ: ບັນດາ ອາດີດ ທະຫານ ຜ່ານເສິກ ຄວນໄດ້ຮັບ ການຍ້ອງຍໍ ສັນລະເສີນ.

ໃນການກໍ່ສ້າງ ອະນຸສາວະລີ ນີ້, ຣັດ ມິນເນໂຊຕາ ຈະຊ່ວຍເງິນ US$150,000.- ແລະ ຄາດວ່າ ຈະ ຮວບຮລວມໄດ້ ຈາກ ຜູ້ສະນັບ ສະໜູນ ເຖິງ US$300,000.-

ຣັດ ມິນເນໂຊຕາ ເປັນ ຣັດ ທີ່ມີ ຊາວມົ້ງ ຈຳນວນ ຫລວງຫລາຍ ມາຕັ້ງ ຖິ່ນຖານ ຢູ່ ພາຍຫລັງ ສົງຄາມ ວຽດນາມ.

ຄວາມເວົ້າຊອກຫາຂໍ້ມູນ: ອົບພຍົບ, ຊາວມົ້ງລາວ, ສະຫະປະຊາຊາດ, Refugee, laohmong, unitednations