ຊາວມົ້ງທີ່ ຫ້ວຍນ້ຳຂາວຢ້ານຖືກສົ່ງກັບລາວ

ທ່ານ Gilles Isard ຫົວຫນ້າຫອ້ງການ ແພດບໍມີ ພົມແດນ ປະຈຳບາງກອກ ໃຫ້ສຳພາດ ຕໍ່ສຳນັກຂ່າວສານ ອອສເຕເຣັຽວ່າ ຊາວມົ້ງທີ່ບ້ານຫ້ວຍ ນ້ຳຂາວ ມີຄວາມ ຢ້ານກົວ ທີ່ຈະ ຖືກສົ່ງ ກັບຄືນ ສປປລາວ ຫລັງຈາກທີ່ ຣັຖບານໄທ ໄດ້ທຳການ ສົ່ງຊາວມົ້ງ ກັບລາວ ຫລາຍຮອບ ແລ້ວດັ່ງ ທ່ານກ່າວ ໃນຕອນ ນື່ງວ່າ:

ປະຊາຊົນຊາວມົ້ງ ມີຄວາມກັງວົນ ໃນຂນະ ທີ່ພວກຂະເຈົ້າ ເຫັນຊາວມົ້ງ ທີ່ຖືກສົ່ງກັບ ໃນແຕ່ລະຄັ້ງ ທ່ານວ່າ ມີບາງຄົນ ກໍ່ສມັກໃຈ ໃນການກັບ ແຕ່ບໍມີ ຂ່າວ ຄາວ ຈາກຊາວມົ້ງ ຜູ້ທີ່ຖືກ ກັບລາວຄາວກອ່ນ ຈື່ງເຮັດໃຫ້ ພວກຂະເຈົ້າ ມີຄວາມກັງວົນ ຫລາຍຂື້ນ.

ທ່ານວ່າ ຫລາຍອົງການ ຊອ່ຍເຫລືອ ຕ່າງຊາດ ກໍ່ເປັນຫວ່ງ ກ່ຽວກັບເຣື້ອງນີ້ ແຕ່ເຮັດຫຍັງ ບໍ່ໄດ້ຫລາຍ ດັ່ງອົງການ ຂ້າຫລວງໃຫຍ່ ສຫະປະຊາຊາດ ດ້ານ ອົພຍົບ ກໍ່ພະຍາມ ຈະເຂົ້າໄປໃນ ພື້ນທີ່ແຫ່ງນັ້ນ ແຕ່ບໍ່ຖືກ ອະນຸຍາດ ຈາກຣັຖບານໄທ ຮ໋ວມດ້ວຍອົງການ ຕ່າງຊາດອື່ນໆ ທີ່ບໍ່ສາມາດ ໃຫ້ການ ປົກປ້ອງກຸ່ມ ດັ່ງກ່າວໄດ້ ໃນການ ສົ່ງກັບຄືນ ສປປລາວ ທ່ານກ່າວເພີ້ມ ອີກວ່າ:

ພວກເຮົາ ເປັນຫ່ວງ ໃນເຮື້ອງນີ້ ຈື່ງເຂົ້າໄປ ໃນພື້ນທີ່ ເພື່ອສີ້ງຊອມ ສີ່ງທີ່ເກີດ ຂື້ນໃນສູນ ແຫ່ງນັ້ນ ແລະວ່າຫນ່ວຍ ທະຫານໄທ ພຍາຍາມ ພັກດັນ ຊາວມົ້ງກັບ ລາວ ປາສຈາກ ບັນຫາຄວາມ ວຸ້ນວາຍ ແລະການ ບີບບັງຄັບ ແຕ່ຈະເຮັ້ດ ໄດ້ຢ່າງໃດ ໃນກຸ່ມຄົນ ທີ່ບໍ່ຢາກ ກັບລາວ.

ໃນທີ່ສຸດ ທ່ານວ່າ ຢູ່ ສປປລາວ ບໍ່ມີຄວາມ ໂປ່ງໃສ ກ່ຽວກັບ ຄວາມປອດພັຍ ຂອງຊາວມົ້ງ ຜູ້ທີ່ ຖືກສົ່ງກັບ ສປປລາວ ຈາກໄທ ຊື່ງ ຣັຖບານລາວ ກໍ່ໃຫ້ການ ຄ້ຳປະກັນ ດ້ານຄວາມ ປອດພັຍ ຂອງພວກ ຂະເຈົ້າຕໍ່ ຣັຖບານໄທ ມາຕຣອດ ແຕ່ບໍຮູ້ ວ່າໃນການ ຄ້ຳປະກັນນັ້ນ ມີຫຍັງແດ່.