ໜັງສືພີມ Sacramento Bee ດັ່ງກ່າວ ໄດ້ແຈ້ງເພີ່ມວ່າ: ຍັຕຕິ ທີ່ຍັງບໍ່ທັນໃຊ້ ເປັນທາງກາຣ ດັ່ງກ່າວໄດ້ ຈັດຮ່າງຂື້ນ ໂດຽທ່ານ Dave Jones ສະມາຊິກ ສະພາຣັຖ ສັງກັດພັກ ເດໂມແກຣຕ ຊື່ງໄດ້ຮັບກາຣສນັບສນູນ ຢ່າງເປັນເອກສັນ ຈາກສະມາຊິກ ສະພາ ອື່ນໆ ບໍ່ຕໍ່າກວ່າ 23 ຄົນ ແລະ ກໍມີກຳໜົດ ທີ່ຈະນຳສເນີ ສົ່ງເຖີງຣັຖສະພາ ສະຫະຣັຖ ແລະ ປະທານາທິບໍດີ ທ່ານ George W. Bush ເພື່ອຮັບພິຈາຣະນາ ດ້ານໃຫ້ຄວາມຄຸ້ມຄອງ ຊາວມົ້ງ ທີ່ອາສັຍຢູ່ ໃນ ສປປລາວ ໃນໄທຽ ແລະ ປະເທດ ອື່ນໆໂດຽບໍ່ໃຫ້ມີ ກາຣລະເມີດ ສິທທິມະນຸສ ພື້ນຖານ ຂອງ ເຂົາເຈົ້າ ແຕ່ຢ່າງໃດ.
ເຖີງຢ່າງໃດກໍຕາມ ສະເພາະ ຊົນເຜົ່າລາວ ມົ້ງທີ່ອາສັຍ ຢູ່ເຂຕບ້ານຫ້ວຍນ້ຳຂາວ ເມືອງເຂົາຄໍ້ ແຂວງເພັຊບູນຈົນນັ້ນ ທາງກາຣໄທຽ ກໍຍັງດຳເນີນ ກາຣສົ່ງກັບຄືນ ເມືອງລາວ ຢູ່ເລື້ອຍໆ ແລະ ຄັ້ງຫລ້າສຸດແມ່ນຈັດຂື້ນ ໃນມື້ວັນທີ່ 30 ສິງຫາຜ່ານມານີ້ ຈຳນວນ 30 ຄອບຄົວ ທີ່ມີ 119 ຄົນ ດ້ວຍກັນ ຊື່ງທາງກາຣໄທຽ ກໍວ່າເຂົາເຈົ້າ ທັງໝົດກັບຄືນ ບ້ານດ້ວຍຄວາມສມັກໃຈ ແລະ ທາງກາຣລາວ ກໍຈັດພິທີຕ້ອນຮັບ ພ້ອມກັບຢືນຢັນ ທີ່ຈະໃຫ້ຄວາມຊ່ວຍເຫລືອ ແລະ ຈັດສົ່ງກັບຄືນ ໄປຢູ່ກັບ ຍາຕພີ່ນ້ອງ ໃນແຕ່ລະເຂຕແຂວງ ທີ່ເຄີຽອາສັຍ ມາແຕ່ເມື່ອກ່ອນ.