ເຂຶ່ອນນ້ຳເທີນສອງຍັງບໍ່ແລ້ວ

ທ່ານ Aiden Glendinning ໂຄສົກ ບໍຣິສັດ ໄຟຟ້າເຂື່ອນ ນ້ຳເທີນສອງ ໃຫ້ການວ່າ ໂຄງການເຂື່ອນ ນ້ຳເທີນສອງ ຈະບໍ່ສຳເຮັດຕາມ ທີ່ກຳນົດໃວ້ ແຕ່ຈະທົດແທນ ເວລາທີ່ເສັຍ ໄປດ້ວຍການ ທຳງານເພີ້ມຂື້ນ ເພື່ອໃຫ້ແລ້ວຕາມ ກຳນົດເວລາ. ບັນຫາທີ່ ເຮັດໃຫ້ມີການ ຊັກຊ້າ ແມ່ນເກີດຂື້ນ ໃນຊ່ວງ ຣະດູຝົນ ທ້າຍປີກ່ອນ ທີ່ມີຝົນຕົກ ໜັກເຮັດໃຫ້ ທາງບໍຣີສັດ ບໍ່ສາມາດ ສຳເຣັດງານ ຕິດຕັ້ງເຄື່ອງຈັກ ປັ່ນໄຟຟ້າ ໃນພາຍເຂື່ອນໄດ້ ຍ້ອນຝົນຕົກໜັກ ເຮັດໃຫ້ການເຄື່ອນ ຍ້າຍອຸປກອນ ຂນາດໃຫຍ່ ບໍ່ສາມາດເຂົ້າ ໄປໃນເຂດ ບໍຣີເວນ ເຂື່ອນໄດ້ ທາງບໍຣີສັດ ໄດ້ສ້າງຖນົນ ຫລາຍສາຍແຕ່ ກໍ່ເປັນຖນົນ ດີນແລະກໍ່ມີ ການເພພັງ ມື່ນຫນຽວ ໃນຍາມ ຣະດູຝົນ ຣົຖບັນທຸກ ຂນາດໜັກບໍ່ ສາມາດ ເຂົ້າໄປໄດ້.

ແຕ່ໃນປີນີ້ ພວກເຮົາກໍ່ຈະ ໃຊ້ຄວາມ ພະຍາຍາມ ທົດແທນເວລາ ທີ່ເສັຽໄປ ດ້ວຍການເພີ້ມ ວຽກຫລາຍຂື້ນ ແຕ່ສະພາບການ ກໍ່ຍັງເໝືອນເດີມ ບໍຣີສັດ ຮັບເໝົາ ຈະພະຍາຍາມ ສ້າງໃຫ້ສຳເຣັດ ຕາມທີ່ກຳນົດ ໃວ້ໃນເດືອນ ທັນວາ ວັນທີ 15 ປີນີ້.

ເຂື່ອນນ້ຳເທີນສອງ ເປັນເຂື່ອນໄຟຟ້າ ໃຫຍ່ອັນດັບນື່ງ ໃນລາວ ສ້າງຂື້ນທີ່ທົ່ງ ພຽງນາກາຍ ແຂວງຄຳມ່ວນ ໃນປີ 2005 ດ້ວຍການ ລົງທືນປະມານ 1.45 ຕື້ໂດລາ ຄ້ຳປະກັນໂດຍ ທະນາຄານໂລກ ເຂື່ອນດັ່ງກ່າວ ສາມາດຜລີດ ກະແສໄຟຟ້າ ໄດ້ປະມານ 1,070 ເມກກາວັດ 90%ຂາຍໃຫ້ ການໄຟຟ້າ ຝ່າຍຜລີດແຫ່ງ ປະເທດໄທ.