ກົດໝາຍ ຍັງລະຫລວມ ເລື້ອງໄມ້ເຖຶ່ອນ

ບັນຫາການ ສໍ້ຣາສບັງຫລວງ ຢູ່ ສປປລາວ ນັ້ນຍັງເປັນ ບັນຫາທີ່ບໍ່ໄດ້ ຮັບການແກ້ໄຂ ຢ່າງມີ ປະສິດທິພາບ ອີກທັງຍັງເປັນ ບັນຫາທີ່ທາງ ສັງຄົມລາວ ໄດ້ມີການ ຮຽກຮ້ອງໃຫ້ເອົາ ໃຈໃສ່ແກ້ໄຂ ຢ່າງເດັດຂາດ ແລະຮີບດ່ວນ ດັ່ງທ່ານສົມພັນ ແພງຄຳມີ ໄອຍະການ ປະຊາຊົນ ສູງສຸດ ໄດ້ກ່າວໃນກອງ ປະຊຸມສະພາ ສມັຍສາມັນ ເທື່ອທີ7ຂອງ ສະພາແຫ່ງຊາດ ຊຸດທີ6ວ່າ:

"ຄວາມບໍ່ໂປ່ງໃສ ຂອງພະນັກງານ ຣັຖກອນ ປາກົດການ ສໍ້ຣາສບັງຫລວງ ຍັງບໍ່ທັນໄດ້ ຮັບການແກ້ໄຂ ຢ່າງມີ ປະສິດທິຜົນ ຍັງບໍ່ທັນໄດ້ ຮັບຄວາມເອົາໃຈໃສ່ ແກ້ໄຂຢ່າງຕັ້ງໜ້າ ຈາກຂແນງການ ແລະທ້ອງຖິ່ນຕ່າງໆ."

ຊຶ່ງທ່ານສົມພັນ ໄດ້ກ່າວຕໍ່ໄປ ວ່າບັນຫາການ ສໍ້ຣາສບັງຫລວງ ນັ້ນໄດ້ຮັບການ ຕິດຕາມກວດກາ ການເຂື່ອນໄຫວຂອງ ອົງການ ບໍຣິຫານ ໃນລະຍະທີ່ ຜ່ານມາ ໂດຍສະເພາະ ບັນຫາທີ່ໃຫຍ່ໆ ຕ່າງໆທີ່ມີການ ຮ້ອງທຸກຈາກ ປະຊາຊົນ ເພື່ອທີ່ ປະຊາຊົນ ແລະ ສັງຄົມຈະໄດ້ ຮັບການຄຸ້ມຄອງ ຈາກຣັຖ.

ແຕ່ລະບຽບແລະ ກົດໝາຍ ກໍຍັງບໍ່ທັນໄດ້ ນຳເອົາມາ ປະຕິບັດ ຢ່າງເຂັ້ມງວດ ກວດຂັນເທື່ອ ຊຶ່ງນອກຈາກ ບັນຫາການ ສໍ້ຣາສບັງຫລວງ ແລ້ວນັ້ນກໍຍັງ ມີບັນຫາອື່ນ ເຊັ່ນກັນ ດັ່ງທ່ານສົມພັນ ໄດ້ກ່າວອີກວ່າ:

"ການບໍ່ເຂັ້ມງວດ ໃນການຄຸ້ມຄອງ ປ່າໄມ້ ການຄຸ້ມຄອງ ທຸຣະກິດປ່າໄມ້ ການຄ້າໄມ້ເຖື່ອນ ຍັງສືບຕໍ່ ຂຍາຍໂຕ ຢູ່ຫລາຍທ້ອງຖິ່ນ ການຄຸ້ມຄອງ ແລະນຳໃຊ້ດິນ ແຕ່ລະປະເພດ ຍັງບໍ່ທັນເປັນ ໄປຕາມກົດໝາຍ ບໍ່ທັນໄດ້ ກຳໜົດ ລະອຽດຈະແຈ້ງ."

ທ່ານສົມພັນ ໄດ້ກ່າວສະລຸບ ເຖິງຜົນກະທົບ ຂອງບັນຫາ ດັ່ງກ່າວວ່າ ຫາກບໍ່ແກ້ໄຂ ຢ່າງມີ ປະສິດທິພາບ ແລະຈິງຈັງ ກໍຈະເປັນການ ກົດໜ່ວງການ ພັທນາເສຖກິດ ສັງຄົມແລະ ເຮັດໃຫ້ສັງຄົມ ບໍ່ມີຄວາມສງົບສຸຂ ນອກຈາກນັ້ນຍັງ ຈະເຮັດໃຫ້ ອຳນາດຣັຖ ຂອງໄອຍະການ ປະຊາຊົນ ສູງສຸດ ຈະບໍ່ມີ ປະສິດທິຜົນສູງ ຕໍ່ການຄຸ້ມຄອງ ຮັຖແລະ ຄຸ້ມຄອງສັງຄົມ.