ຊາວມຸສລິມ ຊີນຈຽງ ປະນາມ ກຸ່ມກໍ່ການຮ້າຍ

ໃນຖແລງການ ສະບັບນຶ່ງ ນາງກ່າວ ໂດຍບໍ່ເຊື່ອວ່າ ການໃຊ້ຄວາມຮຸນແຮງ ເປັນທາງແກ້ໄຂ ສໍາລັບບັນຫາ ໃດໆທັງສີ້ນ. ມາດາມ Kadeer ເວົ້າວ່າ ພວກກໍ່ການຮ້າຍ ຣະດັບໂລກບໍ່ຄວນ ສວຍໂອກາດໃຊ້ ການສະແດງອອກ ຢ່າງຖືກຕ້ອງເປັນທັມ ຂອງຊາວວີເກີ ແລະ ເຫດໂສກນາຕກັມ ຢູ່ເຂດ Turkestan ຕາເວນອອກ ເພື່ອກະທໍາ ການ ກໍ່ການຮ້າຍ ໂດຍມຸ້ງເປົ້າໃສ່ ສໍານັກງານ ສະຖານທູດຈີນ ຫລືພົລເມືອງ ຊາວຈີນນັ້ນ. ມີຊາວຈີນ ຫລາຍແສນຄົນ ເຮັດວຽກຢູ່ ຕາເວັນອອກກາງ ແລະ Africa ເໜືອ ມີ5ໝື່ນຄົນ ຢູ່ປະເທດ Algeria ແລະ ກໍມີຫ້ອງການ ຢູ່ກຸງລອນດອນ ຢູ່ຮົງກົງ.

ນັບເປັນເທື່ອທໍາອິດ ທີ່ເຄື່ອຄ່າຍ ກໍ່ການຮ້າຍ ໂອສະມະ ບິນລາດິນ ເລີ່ມໃຫ້ຄວາມສົນໃຈ ຈີນ ຊຶ່ງຫາທາງ ມີການພົວພັນ ທີ່ອົບອຸ່ນ ກັບໂລກອິສລາມ. ຈີນ ກ່າວຫາວ່າ ມາດາມ Rebiya Kadeer ຢູ່ເບື້ອງຫລັງ ເຫດຄວາມຮຸນແຮງ ທີ່ເກີດຂຶ້ນ ລ່າສຸດນີ້ຢູ່ເຂດ ຊີນຈຽງ ແລະວ່າ ນາງໄດ້ຮັບການ ສນັບສນູນ ຈາກພວກ ກໍ່ການຮ້າຍ.

ຕໍ່ຄໍາກ່າວຫາ ນັ້ນ ນາງປະຕິເສດ ແລະ ບັນດາສະມາຊິກ ຣັຖສະພາ ສະຫະຣັຖ ກໍໄດ້ທວງໃຫ້ ຈີນ ເຊົາຫມີ່ນປະມາດ ນາງ ຜູ້ເປັນອາດີດ ນັກທຸຣະກິດ ໄວ62ປີ ແລະ ທັງເປັນແມ່ຂອງລູກ 11ຄົນ ທີ່ໄດ້ໃຊ້ຊີວິດ ຢູ່ຄຸກຈີນ  ເຖິງ6ປີນັ້ນ.

ທາງການຈີນເວົ້າວ່າ ເຫດການຈະລາຈົນ ຢູ່ ອຸຣຸມຈິ ເມືອງເອກຂອງ ຊີນຈຽງ ເມື່ອວັນທີ5 ຜ່ານມາ ເຮັດໃຫ້ມີຜູ້ ເສັຽຊີວິດ 184ຄົນ ໂດຍສ່ວນໃຫຍ່ເປັນ ຊາວຮັ້ນ ຊົນເຜົ່າສ່ວນໃຫ່ຍ ຂອງຈີນນັ້ນ ແລະ ບາດເຈັບອີກຫລາຍກວ່າ 1600ຄົນ.

ຜູ້ນໍາຊາວວີເກີ ກ່າວຫາກອງກໍາລັງ ທາງການຈີນວ່າ ເປີດສາກຍີງປືນໃສ່ ການປະທ້ວງ ຢ່າງສັນຕິນັ້ນ ແລະວ່າ ຊາວວີເກີ ຖືກສັງຫານໃນ ເຫດການ ໂຈມຕີໂດຍກຸ່ມ ອັນຕະພານ ໃນເວລາຕໍ່ມາ.