ຈີນລົງໂທດຜູ້ນໍາຄຣິສຈຽນ 5 ຄົນ

ຜູ້ນໍາໂບດສາສນາຄຣິສຈຽນ ນິກາຍ ໂປຣເຕັສຕັ້ງ ທີ່ທາງການຈີນຫ້າມ ຈໍານວນ5ຄົນ ຖືກທາງການຈີນລົງໂທດ 2ປີຢູ່ໃນສູນອອກ ແຮງງານໜັກ ຫລັງຈາກເຈົ້າໜ້າທີ່ຕໍາຣວດ ໄດ້ບຸກເຂົ້າໄປໃນໂບດ ຕາມການເປີດເຜີຽຂອງ ກຸ່ມຕິດຕາມການເຄື່ອນໄຫວ ດ້ານສາສນາ ໃນວັນພຸດນີ້.
ສົມເນ
2009.12.03
N91202SN
ສຽງບັນທຶກໄວ້ ດາວໂລ້ດ

ລາຍງານການໃສ່ໂທດນີ້ ມີຂື້ນຫລັງຈາກ ຜູ້ນໍາໂບດດຽວກັນ 5 ຄົນ ຢູ່ແຂວງຊັນຊີ ພາກເໜືອ ຂອງປະເທດຈີນ ຖືກຕັດສີນຈໍາຄຸກ ເປັນເວລາ7ປີ ໃນຫລາຍຂໍ້ຫາ ຮ່ວມທັງຂໍ້ຫາຊຸມນຸມ ກັນແບບຜິດກົດໝາຍ.

ລາຍງານວ່າເມື່ອເດືອນ ກັນຍາຜ່ານມາ ເຈົ້າໜ້າທີ່ຕໍາຣວດ ແລະກໍາລັງຮັກສາ ຄວາມສງົບຫລາຍຮ້ອຍຄົນ ໄດ້ບຸກເຂົ້າໄປ ໃນໂບດຊື່ງເປັນຫໍພັກຂອງ ສະມາຊິກໂບດ Linfen Fushan 50,000 ຄົນອາໃສຢູ່. ຜູ້ນໍາໂບດ5ຄົນທີ່ຖືກ ທາງການຈີນລົງໂທດ ໂດຍໃຫ້ໄປຢູ່ແຄັມ ອອກແຮງງານໜັກ ເປັນເວລາສອງປີນີ້ ແມ່ນຍ້ອນຈັດຕັ້ງ ປະທ້ວງທາງການຈີນ ຫລັງຈາກທາງການຈີນ ໄດ້ບຸກເຂົ້າໄປຈັບ ຜູ້ນໍາໂບດ5ຄົນ.

ຣັຖບານຈີນຕ້ອງການ ໃຫ້ສະມາຊິກ ສາສນາຄຣິສຈຽນ ນິກາຍ ໂປຣເຕັສຕັ້ງ ທໍາການໄຫ້ວພະເຈົ້າ ຢູ່ໃນໂບດທີ່ທາງການຈີນ ອະນຸຍາດ ໃຫ້ເທົ່ານັ້ນ           ໂບດໃດທີ່ທາງການຈີນ ບໍ່ມີອະນຸຍາດອອກໃຫ້ ຈະຖືກເຈົ້າໜ້າທີ່ ລົບກວນ ແລະປາບປາມຕຣອດມາ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.