ຈີນເປັນຜູ້ລົງທຶນຫຼາຍໃຫຍ່ ໃນລາວ

ທ່ານໄດ້ກ່າວ ຄຳປາສັຍ ດັ່ງກ່າວ ໃນງານສະແດງ ຮູບພາບ ກ່ຽວກັບ ຄວາມຮ່ວມມື ການຄ້າກັບ ສປປລາວ ທີ່ຈັດຂຶ້ນຮ່ວມກັນ ຣະຫວ່າງ ສະຖານທູດຈີນ ປະຈໍາລາວ ຫໍການຄ້າຈີນ ໃນລາວ ແລະ ຄນະກັມມະການ ຄວາມຮ່ວມມື ທາງດ້ານ ການຄ້າລາວ-ຈີນ. ຮູບພາບກວ່າ 80 ແຜ່ນໃນງານສະແດງໄດ້ ບົ່ງບອກໃຫ້ເຫັນ ເຖິງຫມາກ ຜົລຂອງຄວາມຮ່ວມມືທາງດ້ານການຄ້າ ແລະເສຖກິດທີ່ສອງປະເທດໄດ້ຮັບໃນຣະຍະ ທີ່ຜ່ານມາ.

ທ່ານ ກວນ ເວົ້າວ່າ ມາຮອດເດືອນ ພຶສຈິກາ ປີ 2013 ການລົງທຶນຂອງຈີນໃນລາວ ຖີບຕົວສູງຂຶ້ນເຖິງ 5 ຕື້ໂດລາ ຈີນກາຍເປັນຜູ້ລົງທຶນ ລາຍໃຫຍ່ໃນລາວໃນປີ 2013 ມູນຄ່າການຄ້າຣະຫວ່າງສອງປະເທດມີຢູ່ປະມານ 2 ຕື້ ກວ່າ ໂດລາ ເພີ້ມຂຶ້ນ ເກືອບຮອດ 29.62% ຂອງ ປີ 2012.

ທ່ານເວົ້າວ່າ ຮູບທີ່ເຫັນໃນງານສະແດງຮູບພາບ ເປັນການສະແດງ ອອກໃຫ້ ເຫັນເຖິງຜົລປໂຍດ ທີ່ສອງປະເທດໄດ້ຮັບ ຈາກຄວາມຮ່ວມມື ທາງດ້ານການຄ້າຣະຫວ່າງສອງປະເທດໃນຣະຍະທີ່ຜ່ານມາ. ຈີນເປັນຜູ້ລົງທຶນລາຍໃຫຍ່ ໃນລາວລອງລົງມາແມ່ນວຽດນາມແລະໄທ.