ဒေါ်အောင်ဆန်းစုကြည်ကို အာဂျင်တီးနားမှာ တရားစွဲဆိုမှု အချုပ်အခြာထိပါးတယ်လို့ NLD ပြော

နေမျိုးထွန်း
2019.11.14
dassk-advisory-forum-622.JPG နိုင်ငံတော်အတိုင်ပင်ခံပုဂ္ဂိုလ် နေပြည်တော်မှာ ၂ဝ၁၉ နိုဝင်ဘာ ၁၄ ရက်နေ့ကကျင်းပတဲ့ ဘာသာပေါင်းစုံငြိမ်းချမ်းရေးအဖွဲ့ရဲ့ ဆွေးနွေးပွဲ တက်ရောက်စဉ်
Photo: Thiha Tun/RFA

ဒေါ်အောင်ဆန်းစုကြည်နဲ့ တပ်မတော် ကာကွယ်ရေးစစ်ဦးစီးချုပ် ဗိုလ်ချုပ်မှူးကြီး မင်းအောင်လှိုင်တို့ကို ၂၀၁၇ တုန်းက ရခိုင်ပြည်နယ် မြောက်ပိုင်း ရိုဟင်ဂျာ ခုနှစ်သိန်း မောင်းထုတ်မှုနဲ့ ပတ်သက်ပြီး တရားစွဲဆိုချက်ကို NLD ပါတီပြောခွင့်ရ ပုဂ္ဂိုလ်က နိုင်ငံတစ်ခုရဲ့ အချုပ်အခြာကို ထိပါးနေတာဖြစ်လို့ လိုက်နာမှာမဟုတ်ဘူးလို့ RFA ကို ဒီကနေ့ ပြောဆိုလိုက်ပါတယ်။

တပ်ချုပ် မင်းအောင်လှိုင် အပါအဝင်၊ တပ်မတော် ထိပ်ပိုင်းတာဝန်ရှိသူတွေနဲ့ ပြီးခဲ့တဲ့ ကြံ့ခိုင်ရေးပါတီ သမ္မတဟောင်း ဦးသိန်းစိန်နဲ့ အနားယူသွားတဲ့ သမ္မတဟောင်း ဦးထင်ကျော်နဲ့ လက်ရှိသမ္မတ ဦးဝင်းမြင့် တို့ကိုလည်း တရားစွဲဆိုတဲ့ စာရင်းထဲမှာ ထည့်ထားပါတယ်။

ရိုဟင်ဂျာတွေရဲ့ ဖြစ်တည်မှုကို ငြင်းပယ်ချက်တွေ၊ ရိုဟင်ဂျာတွေကို ဒုက္ခသည်စခန်းထဲရောက်အောင် တွန်းပို့ တာတွေ၊ လူမျိုးတုံး သတ်ဖြတ်မှုတွေအတွက် အထက်ပါ ပုဂ္ဂိုလ်တွေမှာ တာဝန်ရှိတဲ့အတွက် တရားစွဲဆိုရတာဖြစ် တယ်လို့ ဗြိတိန်အခြေစိုက် ရိုဟင်ဂျာအဖွဲ့က ပြောဆိုထားပါတယ်။

NLD ပါတီ ပြောခွင့်ရ ဒေါက်တာမျိုးညွန့်ကတော့ ဒီတရားစွဲဆိုမှုဟာ သက်သေအထောက်အထား ခိုင်လုံမှုမရှိဘူး လို့မြင်ကြောင်း တုံ့ပြန်ပါတယ်။ ဒါ့အပြင် သူက ဆက်လက်ပြီး လက်ရှိအစိုးရအနေနဲ့ ရခိုင်ပြည်နယ်မြောက်ပိုင်း အရေးအတွက် လုံလောက်တဲ့ စုံစမ်းစစ်ဆေးမှုတွေ၊ အရေးယူမှုတွေ လုပ်နေတယ်ဆိုတာကို သိသာမြင်သာ ထုတ်ပြန်ပေးလျှက်ရှိကြောင်း ပြောပါတယ်။

ဆက်နွယ်သောသတင်းများ
သတင်းဆောင်းပါးများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။