UPDJC အဖွဲ့ဝင်တွေရဲ့ သဘော ထားအမြင်

ပြည်ထောင်စု ငြိမ်းချမ်းရေးဆွေးနွေးမှု ပူးတွဲကော်မတီ UPDJC ကို ပြင်ဆင်ဖွဲ့စည်းမယ်ဆိုပြီး သတင်းတွေထွက်ပေါ်နေပါတယ်။ UPDJC ဟာ နိုင်ငံရေးဆွေးနွေးပွဲတွေ ကျင်းပတဲ့အခါ ဘာတွေ ဆွေးနွေးမလဲဆိုတာကို မူဘောင်ရေးဆွဲတဲ့အဖွဲ့ဖြစ်ပါတယ်။ အဲ့ဒီအဖွဲ့ဟာ မနက်ဖြန် နိုင်ငံတော်အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်နဲ့ တွေ့ဆုံကြမှာဖြစ်ပါတယ်။

UPDJC မှာပါတဲ့ နိုင်ငံရေးပါတီအစုအဖွဲ့က ကိုယ်စားလှယ်တွေကို ပြန်လည်ရွေးချယ်ရာမှာ ရွေးကောက်ပွဲမှာ အနိုင်ရခဲ့တဲ့ပါတီကသာ ရွေးချယ်သွားဖို့ရှိတယ်ဆိုပြီး သတင်းတွေလည်း ထွက်နေ ပါတယ်။

UPDJC အဖွဲ့ဝင်တွေရဲ့ သဘောထားအမြင်တွေကို RFA သတင်းထောက် မဝေမာထွန်း စုစည်းတင်ပြ ထားပါတယ်။