သစ်အချောထည်စက်ရုံ အလုပ်သမားတွေ နစ်နာကြေးပြင်ပေးဖို့တောင်းဆို
2011.12.14
ရန်ကုန်မြို့ရှိ အထည်စက်ရုံတခုတွင် အလုပ်သမားများကို နေ့လည်စာ စားချိန် တွေ့ရပုံ ဖြစ်ပါသည်။ (Photo: AFP)
“ကျွန်တော်တို့ ဒီနေ့မနက်ကတော့ သူတို့က ငွေထုတ်ပြီး ၄ နာရီဆို ကျွန်တော်တို့က အပြီးထွက်ပေးပေါ။့ သူတို့စာအရဆိုရင် နောက်တစ်ခုက ကျွန်တော်တို့ လျော်ကြေးပေးထုတ်တဲ့အတွက် ၆ လစာအပြင် လုပ်သက်တစ်နှစ်ကို တစ်ထောင်နှုန်းနဲ့ ဒီလိုပေးမယ်ဆိုပြီး သူတို့က လုပ်တယ်။ ဒီပေါ်မှာ ကျွန်တော်တို့က မကျေနပ်လို့ ဒီအချက်ကလေးကို ညှိပေးဖို့ ပြောတာပါ။ စက်ရုံဝင်းထဲမှာပါပဲ။ ကျွန်တော်တို့ အော်လည်းမအော်ပါဘူး။ ဆူလည်းမဆူပါဘူး။ ကျွန်တော်တို့က ဥပဒေအတိုင်း ဖြစ်စေချင်တာပါ”
ကုမ္မဏီက လုပ်သက်ခံစားခွင့် တစ်နှစ်ကို ကျပ်တစ်ထောင်နှုန်းပေးတာ နည်းလွန်းတဲ့အတွက် ညှိနှိုင်းပေးဖို့ တိုင်းအဆင့် အလုပ်သမား ညွှန်ကြားမှုဦးစီးဌာနကို ဒီဇင်ဘာ ၁၂ ရက်က အလုပ်သမားတွေ စုပေါင်း စာရေးသားတင်ပြခဲ့တယ်လို့လည်း သိရပါတယ်။
တောင်ဒဂုံမြို့သစ်မြို့နယ် အထွေထွေအုပ်ချုပ်ရေးဦးစီးဌာန ဒုဦးစီးမှူး ဦးအေးဝင်းခိုင်နဲ့ တောင်ဒဂုံ အလုပ်သမား ညွန်ကြားမှုဦးစီးဌာနက အရာရှိ ဦးစောစိုးတင့်နဲ့ တာဝန်ရှိသူတွေက အောင်စိန်လင်းကုမ္မဏီပိုင်း သစ်အချောထည်စက်ရုံကို သွားပြီး လုပ်ငန်းရှင်နဲ့ အလုပ်သမားတွေကြား ညှိနှိုင်းဆောင်ရွက်ပေးပေမယ့် လုပ်ငန်းရှင်က တိုးမပေးနိုင်ကြောင်း ပြောဆိုတာနဲ့ပတ်သက်လို့ စောစောက အလုပ်သမားက ဆက်ပြောပါတယ်။
“မြို့နယ်စစ်ဆေးရေးအဖွဲ့က ကျွန်တော်တို့အဖွဲ့တွေကို ခေါ်ပြီးပြောပါတယ်။ ကျွန်တော်တို့ တောင်းဆိုတာ ဥပဒေဘောင်ထဲမှာမရှိဘူးပေါ့။ လုပ်ငန်းရှင်ဘက်က မပေးနိုင်ရင် မင်းတို့ ဘာမှ မရဘူးပေါ့။ အခုလက်ရှိ သူတို့ပေးထားတာ ဥပဒေနဲ့အညီပေးထားတာ၊ အဲဒါပဲရမယ် သူတို့က ပြောပါတယ်။ ဒါ ကျွန်တော်တို့ မယူဘူးဆိုပြီး လက်ရှိအချိန်ထိ ထိုင်နေတယ်ပေါ့”
လုပ်သက်ခံစားခွင့်ပေးတာ နည်းလို့ တောင်းဆိုနေတဲ့ အလုပ်သမား ၂၂ ယောက်ဟာ အောင်စိန်လင်းကုမ္မဏီပိုင် သစ်အချောထည်စက်ရုံမှာ ၇ နှစ်က ၁၄ နှစ်အထိ အလုပ်လုပ်ခဲ့တဲ့သူတွေဖြစ်ပြီး လုပ်သက် ၂ နှစ်ကို တစ်လစာနှုန်းပေးဖို့ တောင်းဆိုနေပါတယ်။
ဖတ်ရှုသူအများဆုံး သတင်းများ။
RFA
- ဒေါ်အောင်ဆန်းစုကြည်ကို ၂၀၂၅ ခုနှစ် ပြည်သူ့ဂုဏ်ရည်ဆု ချီးမြှင့်
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၆ ရက်)
- စစ်ဘက် အကျဉ်းထောင် စီမံခန့်ခွဲမှုအမိန့် NUG ထုတ်ပြန်
- မြန်မာ့ငလျင်ဘေးအကူအညီအတွက် ဂျပန်ကျွမ်းကျင်ပညာရှင်အဖွဲ့ စေလွှတ်မည်
- မြန်မာမှာ အကြမ်းဖက်မှု ချက်ချင်းရပ်ဖို့ စစ်ကောင်စီကို အမေရိကန် တောင်းဆို
ဖတ်ရှုသူအများဆုံး သတင်းများ။
သတင်းများ
- စစ်ကောင်စီ အပစ်ရပ်ကြေညာပြီး တိုက်ခိုက်မှုတွေ ဆက်လုပ်နေကြောင်း ကုလပြော
- ငလျင်ဘေးသင့်ပြည်သူ ၄ဝ,ဝဝဝ ကျော် ယာယီ အမိုးအကာတွေ နဲ့ နေထိုင်နေရ
- အပစ်ရပ်ကာလ စစ်ကောင်စီတိုက်ခိုက်မှုကြောင့် အရပ်သား ၂၀ သေဆုံးခဲ့ကြောင်း KNU ပြော
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၅ ရက်)
- ရေစကြိုမြို့နယ် ဗလဘရွာလုံးကျွတ် မီးရှို့ဖျက်ဆီးခံရ