မြန်မာနယ်စပ်တိုက်ပွဲကြောင့် ထိုင်းဘက်က လုံခြုံရေး တိုးမြှင့်ထား

• RFA Burmese
  2025-03-06

ထိုင်း-မြန်မာနယ်စပ် သောင်းရင်းမြစ်တစ်လျှောက်မှာ မတ် ၇ ရက် ဒီနေ့မနက်ပိုင်းမှာ ထိုင်းစစ်သားတွေ အင်အားဖြည့်တင်းထားတယ်လို့ ထိုင်းသတင်း Khaosod English က ဖော်ပြပါတယ်။

နယ်စပ်အနီး စစ်ကောင်စီတပ်က MiG-29 ဂျက်တိုက်လေယာဥ်နဲ့ ဗုံးကြဲတိုက်ခိုက်ပြီးတဲ့နောက် ထိုင်းနိုင်ငံဘက်ခြမ်းမှာ အခုလို အင်အားတိုးမြှင့်လာတာလို့ ဆိုပါတယ်။

ထိုင်းနယ်စပ်နဲ့ မီတာ ရှစ်ရာအကွာက ပေါက်ကွဲသံတွေကိုလည်း ထိုင်းဘက်အခြမ်းကနေ ကြားနေရတယ်လို့ ဖော်ပြပါတယ်။

ထိုင်းနယ်စပ် တာ့ခ်ခရိုင်အနီးက စစ်ကောင်စီတပ်နဲ့ KNLA ပူးပေါင်းတပ်တွေ တိုက်ပွဲဖြစ်ပွားနေတာ ရက်အတန်ကြာနေပြီ ဖြစ်ပါတယ်။

မတ် ၂ ရက်နေ့က စစ်ကောင်စီတပ်က ထိုင်းနယ်စပ်အနီး ပေါင်ငါးရာဗုံး နှစ်လုံး ကြဲချခဲ့ပြီး ထိုင်းဘက်ကလည်း ဂျက်တိုက်လေယာဥ်နှစ်စင်းနဲ့ ထိုင်းနိုင်ငံဘက်ခြမ်းမှာ ကင်းလှည့်စောင့်ကြည့်ခဲ့ကြောင်း ထိုင်းသတင်းတွေက ဖော်ပြပါတယ်။

တိုက်ပွဲတွေကြောင့် ထိုင်းနိုင်ငံဘက် ထွက်ပြေးလာတဲ့ မြန်မာစစ်ဘေးဒုက္ခသည် လေးရာကျော်ရှိနေပြီလို့ Chiangrai Times သတင်းမှာ မတ် ၂ ရက်နေ့က ဖော်ပြခဲ့ပါတယ်။