အစိုးရ စစ်တပ်ယာဉ်တန်းကို SSA တပ်ဖွဲ့ ချုံခိုတိုက်ခိုက်

• 
  2011-07-31

ဒေသခံတွေ အဆိုအရ အစိုးရတပ် ထောက်ပံ့ရေးနဲ့ ပို့ဆောင်ရေးတပ်က ကားသုံးစီးပါ ယာဉ်တန်းကို လွိုင်လင်မြို့ကနေ ၇ မိုင်အကွာ ဝမ်ပုံရွာ အနီးမှာ SSA တပ်တွေက ချုံခိုတိုက်ခိုက်ရာက စတင်လို့ တိုက်ပွဲ ဖြစ်ပွားတာလို့ သိရပါတယ်။ အထိအခိုက် အကျအဆုံး ဘယ်လောက် ရှိတယ်ဆိုတာကိုတော့ အတိအကျ မသိရသေးပါဘူး။

ပြီးခဲ့တဲ့ လေးရက်လောက်ကလည်း နမ့်စမ်မြို့နယ် ဟိုနမ်းရွာ ဂွတ်ချိုးကွေ့အနီးမှာ အစိုးရနဲ့ ငြိမ်းချမ်းရေးယူထားတဲ့ ပအို့တပ်နဲ့ SSA တပ်ဖွဲ့ တိုက်ပွဲ အပြင်းအထန် ဖြစ်ပွားခဲ့သေးတယ်လု့ိ သိရှိရပါတယ်။