ပုပ်ရဟန်းမင်းကြီးဟောင်း ဘန်နဒစ် ကွယ်လွန်

ပုပ်ရဟန်းမင်းကြီးဟောင်း ဘန်နဒစ် ၁၆ ဟာ ဗာတီကန်မြို့က သူ့ရဲ့နေအိမ်မှာ ဒီဇင်ဘာ ၃၁ ရက်နေ့က ကွယ်လွန်သွားပါတယ်။ သူဟာ ကျန်းမာရေးမကောင်းတဲ့အတွက် ပုပ်ရဟန်းမင်းကြီးရာထူးက အနားယူခဲ့တာ ဆယ်စုနစ်တစ်ခု ရှိခဲ့ပြီဖြစ်ပြီး ကွယ်လွန်ချိန်မှာ အသက် ၉၅ နှစ်ရှိပြီဖြစ်ပါတယ်။

သူဟာ ၂ဝဝ၅ ခုနှစ်မှာ ပုပ်ရဟန်းတာဝန် စယူခဲ့ပြီး ကက်သလက်ဘုရားကျောင်းကို ၈ နှစ်ကြာ ဦးဆောင်ခဲ့သူဖြစ်ပါတယ်။ သူ့ရဲ့ပုပ်ရဟန်းမင်းလက်ထက် ကက်သလစ်ဘုရားကျောင်းတွေက ခရာစ်ယာန်ဘုန်းတော်ကြီးတွေရဲ့ ကလေးသူငယ်အေပါ် မတရားပြုကျင့်မှုတွေနဲ့ ပတ်သက်ပြီး တရားစွဲမှုတွေ တိုင်ကြားမှုတွေကို လက်ခံဖြေရှင်းခဲ့ရပါတယ်။ သူ့ရဲ့ ရုပ်ကလာပ်ကို ဂါရဝပြုနိုင်ဖို့ ဗာတီကန်က စိန့်ပီတာ ဘုရားကျောင်းမှာ ဇန်နဝါရီ ၂ ရက်နေ့ စတင်ထားရှိမယ်လို့ ဆိုပါတယ်။