ကိုဖြိုးဝေအောင်ရဲ့ ကင်ဆာရောဂါ ရန်ကုန်ဆေးရုံကြီးမှာ ကုသ

၂၀၁၀ သြင်္ကန်မှာ ရန်ကုန်မြို့က X2O မဏ္ဍပ်ရှေ့ ဗုံးခွဲမှုနဲ့ စွပ်စွဲထောင်ချခံထားရတဲ့ ကိုဖြိုးဝေအောင်ရဲ့ ကင်ဆာရောဂါကို ရန်ကုန်ဆေးရုံကြီးမှာ ဒီနေ့ကစပြီး ဓာတ်ကင်ကုသနေတယ်လို့ သိရပါတယ်။

2012.06.12
ahrc-phyo-wai-aung-b305 ၂၀၁၀ သြင်္ကန်ဗုံးခွဲမှုအတွက် စွပ်စွဲခံထားရသူ ကိုဖြိုးဝေအောင်နှင့် ပတ်သက်ပြီး အာရှလူ့အခွင့်အရေး ကော်မရှင် (AHRC) အင်တာနက် စာမျက်နှာတွင် ဖော်ပြထားပုံ။
RFA

အသည်းကင်ဆာဆဲလ်တွေက ခါးရိုးကို ဆက်လက်ကူးဆက်တဲ့အတွက် ဓာတ်ကင်ရတာလို့ ဇနီးဖြစ်သူ မဌေးဌေးက RFA ကိုပြောပါတယ်။

"အသည်းကင်ဆာမှာ ရှိတဲ့ဆဲလ်တွေကနေပြီးတော့ ခါးရိုးနံပါတ် (၈) ရယ်၊ (၉) ရယ်ကို ထိသွားတဲ့အတွက်ကြောင့် သူကအောက်ပိုင်း မလှုပ်နိုင်တော့ဘူး။ မလှုပ်နိုင်တဲ့ အတွက် ကျွန်မတို့က ရန်ကုန်ဆေးရုံကြီးမှာရှိတဲ့ ဓာတ်ရောင်ခြည်ဋ္ဌာနကို သွားပြတော့ ဒီနေ့ကစပြီး ဓာတ်ကင်တယ်ရှင့်။ ၅ ရက် ကင်ရမယ် ပြောတယ်ရှင့်။  ၅ ရက် ကင်လိုက်လို့ရှိရင်တော့ ကံကောင်းရင်တော့ ပြန်လှုပ်နိုင်မှာပေါ့"

အဲဒီနောက် အင်းစိန်ဆေးရုံမှာ အတွင်းလူနာအဖြစ် ဆက်လက်ထားရှိတယ်လို့ ဆိုပါတယ်။ သူ့ကို ဆေးရုံမှာ ၂၄ နာရီ ရဲလုံခြုံရေးချထားပြီး မိသားစုကတော့ စောင့်ကြည့်ခွင့် ရတယ်လို့ သိရပါတယ်။

ကိုဖြိုးဝေအောင်ကို သေဒဏ်ချထားတဲ့အတွက် မိသားစု အယူခံတင်ထားတာကို လာမယ့် ၂၆ ရက်နေ့ကျရင် နေပြည်တော်မှာ ကြားနာမယ်လို့ မဌေးဌေးက ပြောပါတယ်။

မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။