တိုင်းရင်းသားအဖွဲ့အစည်းများနဲ့ ဆက်ဆံရေးကော်မတီ အလုပ်အဖွဲ့ စတင်ဖွဲ့စည်း


2013.07.25

အမျိုးသားဒီမိုကရေစီအဖွဲ့ချုပ် လုပ်ငန်းကော်မတီတစ်ခုဖြစ်တဲ့ ဥက္ကဌ ဒေါ်အောင်ဆန်းစုကြည် ခေါင်းဆောင်တဲ့ တိုင်းရင်းသားအဖွဲ့အစည်းတွေနဲ့ ဆက်ဆံရေးေကာ်မတီဟာ ပြည်နယ်တွေမှာ အောက်ခြေအဆင့် အလုပ်အဖွဲ့တွေကို စတင်ဖွဲ့စည်းတော့မယ်လို့ သိရပါတယ်။

တိုင်းရင်းသားတွေနဲ့ ယုံကြည်မှုပိုမိုရှိစေရေး၊ ယဉ်ကျေးမှုဓလေ့ထုံးစံတွေကို ပိုမိုနားလည်သိရှိစေရေးအတွက် ပြည်နယ်တွေမှာ ဖွဲ့စည်းတော့မှာလို့ ဗဟိုတိုင်းရင်းသားရေး ဆက်ဆံရေးကော်မတီအဖွဲ့ဝင် ဦးထွန်းထွန်းဟိန် က RFAကိုပြောပါတယ်။

အဲ့ဒီအောက်ခြေအဆင့် အလုပ်အဖွဲ့တွေကို ပြည်နယ်တွေအပြင် တိုင်းရင်းသား အများစုနေထိုင်ကြတဲ့ တိုင်းဒေသကြီးတွေမှာလည်း ဖွဲ့စည်းသွားမယ်လို့ သိရပါတယ်။

အမျိုးသားဒီမိုကရေစီအဖွဲ့ချုပ် ဗဟိုလုပ်ငန်းကော်မတီတွေကို ဧပြီလ ၃ဝ ရက်နေ့မှာ စတင်ဖွဲ့စည်းခဲ့တာဖြစ်ပြီး ဒေါ်အောင်ဆန်းစုကြည်က တိုင်းရင်းသားအဖွဲ့အစည်းများနဲ့ ဆက်ဆံရေးကော်မတီဥက္ကဌ ဖြစ်ပါတယ်။

မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။