အင်္ဂလိပ်စာသင်ပြရေး ကမ္ဘာမှာ မြန်မာအကောင်းဆုံးလို့ သတ်မှတ်ထုတ်ပြန်


2017.03.29

အင်္ဂလိပ်ဘာသာကို ဒုတိယဘာသာစကားအဖြစ် သင်ပြရေးလုပ်ငန်းမှာ မြန်မာနိုင်ငံဟာ သွားရောက်လုပ်ကိုင်ဖို့ အကောင်းဆုံးနိုင်ငံဖြစ်တယ်လို့ TEFL ခေါ် ဗြိတိန်အခြေစိုက် နိုင်ငံတကာ အင်္ဂလိပ်ဘာသာသင်ကြားရေးဌာနက ထုတ်ပြန်လိုက်ပါတယ်။

TEFL က ထုတ်ပြန်ခဲ့တဲ့ အင်္ဂလိပ်ဘာသာ သင်တန်းတွေ သွားရောက်ဖွင့်လှစ်ဖို့ အကောင်းဆုံး ၁၀ နိုင်ငံ စာရင်းမှာ မြန်မာက ပထမဆုံးနေရာမှာ ရှိနေတာပါ။

TEFL ရဲ့ အဆင့်သတ်မှတ်ပုံမှာ ဆိုင်ရာနိုင်ငံတွေရဲ့ ပြည်သူတွေ၊ ယဉ်ကျေးမှု၊ အာရုံတိမ်းညွတ်မှု စတဲ့ အချက်တွေပေါ် မူတည်ပြီး သတ်မှတ်တယ်လို့ သိရပါတယ်။

စာရင်းအရ မြန်မာပြီးရင် ဗီယက်နမ်က ဒုတိယ၊ နီကာရာဂွာ က တတိယဖြစ်ပြီး၊ နီပေါ၊ ဘရာဇီး၊ မာဒါဂက်စကာ၊ ချီလီ၊ အာရပ်စော်ဘွားများနိုင်ငံ UAE၊ ချက်သမ္မတနိုင်ငံနဲ့ ဖိလစ်ပိုင်တို့ ဖြစ်ပါတယ်။

မြန်မာနိုင်ငံကို သွားရောက်သင်ပြမယ့် ဆရာဆရာမတွေဟာ တက္ကသိုလ်ဘွဲ့တစ်ခုနဲ့ အင်္ဂလိပ်စာသင်ပြနည်းဆိုင်ရာ အသိအမှတ်ပြုလက်မှတ်ရှိရမှာဖြစ်ပြီး၊ လစာဝင်ငွေအားဖြင့် တစ်လကို အမေရိကန်ဒေါ်လာ ၁၂၀၀ ကနေ ၂၀၀၀ အထိ ရရှိနေကြတယ်လို့ သိရပါတယ်။

မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။