အုပ်ချုပ်ရေးမှူး ရွေးချယ်ပွဲ မသမာမှုတွေပေါ်ပေါက်နေ

မန္တလေးတိုင်းဒေသကြီး၊ တံတားဦးမြို့နယ်က ကျေးရွာ အတော်များများမှာ အုပ်ချုပ်ရေးမှူး ရွေးချယ်မှုနဲ့ပတ်သက်ပြီး ဥပဒေချိုးဖောက်မှုတွေ ရှိနေတယ်လို့ သိရပါတယ်။

2012.12.22

အဲဒီလို ဥပဒေချိုးဖောက်တာကို ကြုံတွေ့ခဲ့တဲ့ လက်ဆောင်ပေးရွာ NLD အဖွဲ့ဝင် ဦးမြတ်ဆွေက သက်ဆိုင်ရာကို သူတင်ပြခဲ့တဲ့အတွက် အုပ်ချုပ်ရေးမှူးရွေးချယ်ပွဲကို ပြန်လည်ပြုလုပ်မယ်လို့ အခုကြား သိရကြောင်း RFA ကို ပြောပါတယ်။

သူတို့ လက်ဆောင်ပေးရွာသားတွေကတော့ အုပ်ချုပ်ရေးမှူး ပြန်ရွေးမှာကို မလိုလားဘဲ ရပ်ကွက် ကျေးရွာ အုပ်ချုပ်ရေးမှူးရွေးချယ်ရေးဆိုင်ရာ ပုဒ်မ(ရ/ဆ)အရ ဒုတိယအရွေးခံရသူကို ခန့်ထားပေးဖို့ လိုလားနေကြတယ်လို့ ဆိုပါတယ်။

ရွေးချယ်ပွဲပြန်လုပ်ရင် အရင်ကအတိုင်းပဲ အုပ်ချုပ်ရေးအဖွဲ့က လိုလားသူတွေကို အရွေးခံရအောင် ထပ်မံလုပ်ဆောင်မှုရှိနိုင်တယ်လို့ သူတို့ကပြောပါတယ်။

တံတားဦးမြို့နယ်ထဲက လက်ဆောင်ပေးရွာအပြင် ငါးရွာ၊ ဖျားရွာ၊ ဇီးပင်စုရွာ၊ အင်ကန်ရွာ၊ ခနုံတပ်ရွာ၊ သွေးနီကန်ရွာတွေမှာလည်း အုပ်ချုပ်ရေးမှူး ရွေးချယ်မှုနဲ့ပတ်သက်ပြီး မသမာမှုတွေရှိတယ်ဆိုတဲ့ သတင်းတွေ ထွက်ပေါ်နေပါတယ်။

မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။