မြန်မာပြည်မှာ အကြွေးကဒ် ၂ ခုထုတ်ဝေ


2017.01.27
kbz-credit-card-620.jpg ကမ္ဘောဇဘဏ်က ထုတ်ဝေထားတဲ့ အကြွေးကဒ် ၂ မျိုးကို တွေ့ရစဉ်
Photo: KBZ BANK/ Facebook

မြန်မာနိုင်ငံမှာ ကမ္ဘောဇဘဏ်နဲ့ ကမ္ဘာ့ငွေကြေး ဝန်ဆောင်မှုကုမ္ပဏီ ဗီဇာတို့ပူးပေါင်းပြီး အကြွေးကဒ်ပြား အမျိုးအစား ၂ ခုကို ဒီအပတ်အတွင်း ထုတ်ဝေခဲ့တယ်လို့ သိရပါတယ်။ Classic နဲ့ Platinum အမျိုးအစား အဲဒီဗီဇာအကြွေးကဒ်ပြားတွေကို မြန်မာနိုင်ငံက ငွေကြေးဌာန ၇ဝဝဝ ကျော်နဲ့ ကမ္ဘာအနှံ့သုံးစွဲနိုင်မှာဖြစ်ပြီး ချေးငွေကို ၄၅ ရက်အတွင်း ပြန်ဆပ်ရင် အတိုးငွေ တစုံတရာပေးရမှာ မဟုတ်ပေမယ့် အဲဒီလို ၄၅ ရက်အတွင်း ငွေအကြေ မဆပ်နိုင်ရင် အတိုးနှုန်း ၁၃% ယူမယ်လို့ ဆိုပါတယ်။ အဲဒီ စည်းကမ်းသတ်မှတ်ချက်ကတော့ ကမ္ဘာတခုလုံးက အကြွေးကဒ်သုံးစွဲသူတိုင်း သတိထားရတဲ့ အချက်ပါပဲ။

အခုထုတ်ဝေတဲ့ အကြွေးကဒ်တွေကို သုံးစွဲလိုရင် လစဉ်ဝင်ငွေ ကျပ် ၃ သိန်းနဲ့ အထက်ရရှိသူတွေ လျှောက်ထားနိုင်ကြောင်း ကမ္ဘောဇဘဏ်ရဲ့ အထွေထွေ မန်နေဂျာဒေါ်ရွှေစင်ဝင်း ကပြောဆိုတယ်လို့ Myanmar Eleven သတင်းမှာ ဖေါ်ပြထားပါတယ်။

မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။