ချောင်းဆုံမဲဆန္ဒနယ်မှာ ဒေသခံကို လွှတ်တော်ကိုယ်စားလှယ်လောင်း အဖြစ် ရွေးချယ်ပေးဖို့ တောင်းဆို

လစ်လပ်မဲဆန္ဒနယ်တွေအတွက် သက်ဆိုင်ရာ မြို့နယ်ပါတီတာဝန်ရှိသူတွေက လျာထားတဲ့ ကိုယ်စားလှယ်လောင်း ၃ ဦးကို ပါတီဗဟိုထံ တင်ပြပေးရ တာဖြစ်ပါတယ်။

ချောင်းဆုံမြို့နယ် အလုပ်အမှုဆောင်အဖွ့ဲက ချောင်းဆုံမြို့ခံ ဦးစောလင်းအောင် ကို ပထမ ဦးစားပေးအနေနဲ့ ရွေးချယ် တင်ပြလိုက်တာဖြစ်ပြီး ဒုတိယဦးစားပေးအနေနဲ့ မော်လမြိုင်မြို့ခံ ဦးအေးဝင်း ဆိုသူ ကို ရွေးချယ်တင်ပြခဲ့တာဖြစ် တယ်လို့ သိရပါတယ်။

ပါတီဗဟိုက အရည်အချင်းရှိတဲ့သူ နိုင်ငံရေးသမိုင်းရှိတဲ့လူကို ရွေးချယ်တာဖြစ်တယ်လို့ အမျိုးသားဒီမိုကရေစီအဖွဲ့ချုပ် မွန်ပြည်နယ်ပါတီ အတွင်းရေးမှူး ဦးငွေမြင့် က ပြောပါတယ်။

"မြို့နယ်က တင်ပေးတဲ့အတိုင်း လုပ်ရမှာမှမဟုတ်ဘဲ၊ ဒါဆို ဗဟိုဆိုတာ အလကားဖြစ်သွားမှာပေါ့၊ မြို့နယ် က ရွေးချယ်တယ်ဆိုပေမယ့်လည်း ဗဟိုကပြန်ကြည့်တာပေါ့၊ ဘယ်သူက ဘယ်လောက်အရည်အချင်းရှိတယ်၊ ဗဟိုက သေချာသုံးသပ်ပြီးတော့မှ ရွေးတာလေ၊ အခုအရွေးခံရတဲ့လူက ပြည်နယ်အလုပ်အမှုဆောင်အဖွဲ့ထဲက ဘဏ္ဍာရေးမှူးပဲ၊ အရေးအခင်းတုန်းက တလျှေက်လုံးပါတီအတွက် လုပ်ခဲ့တဲ့လူတွေပဲ၊ သူတို့ရွေးတင်လိုက်တဲ့လူ က ဘာမှသမိုင်းအစဉ်အလာလည်း မရှိပါဘူး၊ ဗဟိုကလည်း သင့်တော်တဲ့လူကိုရွေးတာလေ၊ သူတို့ဆန္ဒပြတာ သူတို့မှားတာပေါ့"

ဆန္ဒပြသူတွေထဲမှာ ချောင်းဆုံမြို့နယ်က အန်အယ်လ်ဒီပါတီဝင်တချို့လည်း ပါဝင်ပါတယ်။

ဆန္ဒပြသူတွေဟာ မော်လမြိုင်မြို့ ကမ်းနားလမ်း ရာမညတံတားကနေ ပြည်နယ် အန်အယ်လ်ဒီ ပါတီရုံးရှေ့အထိ လမ်းလျှောက်တောင်းဆိုကြတာဖြစ်ပါတယ်။

ပြီးခဲ့တဲ့ရွေးကောက်ပွဲမှာ ချောင်းဆုံမြို့နယ် ပြည်သူ့လွှတ်တော်ကိုယ်စားလှယ်အဖြစ် ဒေါ်ခင်ဌေးကြွယ် က ရွေးချယ် ခံခဲ့ရပြီး နိုင်ငံတော်ဖွဲ့စည်းပုံအခြေခံဥပဒေ ခုံရုံးအဖွဲ့ဝင်အဖြစ် ခန့်အပ်ခံရတာကြောင့် လွှတ်တော်ကိုယ်စားလှယ် အဖြစ်ကနေ နှုတ်ထွက်ရတာဖြစ်ပါတယ်။

မွန်ပြည်နယ်မှာ ချောင်းဆုံမြို့နယ် ပြည်သူ့လွှတ်တော်ကိုယ်စားလှယ်တစ်နေရာသာ လစ်လပ်နေ တာဖြစ်ပါတယ်။

ဆန္ဒပြသူတွေဟာ ချောင်းဆုံမြို့နယ် ကိုယ်စားလှယ်လောင်းနေရာမှာ ဒေသခံမွန်တိုင်းရင်းသားကို ရွေးချယ်ပေးဖို့နဲ့ ဗဟိုချုပ်ကိုင်မှုစနစ်ပပျောက်ဖို့ တို့ကို တောင်းဆိုခဲ့ကြပါတယ်။