တိုင်းရင်းသားတွေရဲ့ သမိုင်းနဲ့ ဆန္ဒကို အသိအမှတ်ပြုဖို့ ကရင်လူ့အခွင့်အရေးအဖွဲ့ တောင်းဆို

2021.01.06

ကရင်တိုင်းရင်းသားတွေ နေထိုင်ရာ ဒေသတွေမှာ ကရင်အမျိုးသားခေါင်းဆောင် စောဘဦးကြီး ရုပ်တု စိုက်ထူထားရှိတာကို အစိုးရဘက်က အသိအမှတ်ပြုပေးဖို့နဲ့ တားဆီးပိတ်ပင်တာတွေ မလုပ်ဖို့ ကရင်လူ့အခွင့်အရေးအဖွဲ့က ဇန်နဝါရီလ ၅ ရက်နေ့ ရက်စွဲနဲ့ ထုတ်ပြန် တောင်းဆိုလိုက်ပါတယ်။

ဧရာဝတီတိုင်း ကန်ကြီးဒေါင့်မြို့နယ် ဘဲဂရက်ကျေးရွာမှာ စိုက်ထူထားတဲ့ စောဘဦးကြီးရုပ်တု ဖြုတ်ချခဲ့ရတဲ့ကိစ္စနဲ့ ပတ်သက်လို့ ကြေညာချက်ထုတ်ပြန်တာဖြစ်ပါတယ်။

တန်းတူညီမျှရေး၊ တိုင်းရင်းသားတွေရဲ့ သမိုင်းအမွေအနှစ် မပျောက်ပျက်ရေးအတွက် အာဏာပိုင်တွေဘက်က ဝိုင်းဝန်းဆောင်ရွက်ပေးဖို့ လိုလားတယ်လို့ ကရင်လူ့အခွင့်အရေးအဖွဲ့ (KHRG) စည်းရုံးရေးမှူး စောနန္ဒဆူးက ပြောပါတယ်။

စောနန္ဒဆူးကို RFA သတင်းထောက် မဝေမာထွန်းက ဆက်သွယ်မေးမြန်းထားပါတယ်။

ဆက်နွယ်သောသတင်းများ
မေးမြန်းခန်း
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။