འཕྲུལ་རིག་འཕེལ་རྒྱས་དང་བོད་མི་གཞོན་སྐྱེས་ཁྱད་ལས་པ།

ཕྱི་ལོ་ ༢༠༢༤ ཚེས་ ༠༡ ཚེས་ ༣ ནས་ ༤ བར་བོད་མིའི་སྒྲིག་འཛུགས་དཔལ་འབྱོར་ལས་ཁུངས་ཁྱབ་ཁོངས་ཀམ་པུ་ཊར་སྡེ་ཚན་གྱི་གོ་སྒྲིག་འོག་རྒྱ་གར་ལྷོ་ཕྱོགས་བྷེང་ལོར་གྲོང་ཁྱེར་དུ་རྟེན་གཞི་བྱས་པའི་ཏཱ་ལའི་བླ་མ་མཐོ་རིམ་སློབ་གཉེར་ཁང་དུ་བོད་མིའི་བརྡ་འཕྲིན་འཕྲུལ་རིག་ཆེད་ལས་པའི་ཚོགས་འདུ་ཐེངས་གཉིས་པ་བསྐོང་ཚོགས་གནང་འདུག  འཛམ་གླིང་ནང་འཕྲུལ་རིག་སྡེ་ཚན་དང་དྲ་རྒྱའི་བདེ་འཇགས་ཀྱི་གནད་དོན་ནི་ཚོང་དོན་དང་དགོས་མཁོ་གང་ཅིའི་ཐོག་ནས་གནད་འགག་བརྩིས་ཡུལ་དུ་གྱུར་ཞིང་།  སྤྱི་ཚོགས་དང་རྒྱལ་ཁབ་ཀྱི་བདེ་འཇགས་བཅས་ཀྱི་ཐོག་ནས་གདོང་ལེན་བྱེད་དགོས་པའི་གནད་དོན་གལ་ཆེན་ཞིག་ཏུ་གྱུར་བཞིན་ཡོད་པ་རེད།  ཐེངས་འདིའི་གནད་དོན་གླེང་མོལ་གྱི་ལས་རིམ་ནང་།  བོད་མི་གཞོན་སྐྱེས་འཕྲུལ་རིག་ཁྱད་ལས་པ་ཚོས་གྲངས་རྩིས་ཁྲོམ་རྭ་དང་འཕྲུལ་རིག་སྡེ་ཁག་ནང་ལས་དོན་གཉེར་ཕྱོགས་བཅས་ཀྱི་ཐད་འཕྲུལ་རིག་ཆེད་ལས་པ་བསྟན་འཛིན་རྣམ་དག་ལགས་དང་།  བསྟན་འཛིན་འཕེལ་རྒྱས་ལགས་བཅས་དང་ལྷན་ཨེ་ཤེ་ཡ་རང་དབང་རླུང་འཕྲིན་ཁང་གི་རྩོམ་སྒྲིག་འགན་འཛིན་བཀྲིས་དབང་ཕྱུག་ལགས་ཀྱིས་གླེང་མོལ་ཞུས་པར་གསན་རོགས་གནང་།

གསར་འགོད་པ། བཀྲིས་དབང་ཕྱུག

རྩོམ་སྒྲིག་པ། ཚེ་བརྟན་རྣམ་རྒྱལ།

དྲྭ་ཐོག་སྤེལ་མཁན། པ་སངས་དོན་ལྡན།