ཐེ་ཝན་ལ་ནང་བསྟན་དར་སྤེལ་བགྲོ་གླེང་ཐེངས་༤པ་ཚོགས་འདུག

ཐེ་ཝན་རྒྱལ་སྤྱིའི་བོད་བརྒྱུད་ནང་བསྟན་ཞིབ་འཇུག་ཚོགས་པའི་གོ་སྒྲིག་འོག་ཐེ་ཝན་ལ་ནང་བསྟན་དར་སྤེལ་བགྲོ་གླེང་ཐེངས་༤པ་ཚོགས་འདུག
དེ་ཡང་གནས་ཚུལ་ལྟར་ན། ཐེ་ཝན་རྒྱལ་སྤྱིའི་བོད་བརྒྱུད་ནང་བསྟན་ཞིབ་འཇུག་ཚོགས་པའི་གོ་སྒྲིག་འོག  ཕྱི་ཟླ་བཞི་པའི་ཚེས་༢ཉིན་ཐེ་ཝན་གྱི་རྒྱལ་ས་ཐེ་པེ་རུ་ནང་བསྟན་དར་སྤེལ་བགྲོ་གླེང་ཐེངས་༤པ་སྐོང་ཚོགས་གནང་ཡོད་པ་དང་། བགྲོ་གླེང་ཐོག་ཆོས་བརྒྱུད་རིས་མེད་ཀྱི་མཁན་སྤྲུལ་དགེ་བཤེས་དང་། བཙུན་མ། ས་གནས་བོད་རིགས་སློབ་མ་དེ་བཞིན་ནང་བསྟན་ཞིབ་འཇུག་ཚོགས་པའི་རྒྱུན་ལས་བཅས་མི་གྲངས་༣༠ཙམ་མཉམ་ཞུགས་གནང་ཡོད་འདུག   

ཐེངས་འདིའི་བགྲོ་གླེང་ཐོག་ཆོས་བརྒྱུད་རིས་མེད་ཀྱི་མཁན་སྤྲུལ་དགེ་བཤེས་རྣམ་པས་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་ཞིབ་འཇུག་ཚོགས་པར་གནང་བའི་བཀའ་ཤོག་གི་འབྲུ་དོན་འགའ་དང་འབྲེལ་ཏེ་དཔལ་ནྭ་ལེན་དྲའི་ཆོས་བརྒྱུད་དང་། བོད་བརྒྱུད་ནང་བསྟན་བར་གྱི་འབྲེལ་བ། མདོ་སྔགས་འགལ་མེད་ཀྱི་ཉམས་ལེན་ཐེ་ཝན་རྒྱ་བརྒྱུད་དང་བོད་བརྒྱུད་ནང་བསྟན་བར་གྱི་འབྲེལ་ལམ་ལེགས་བཅོས་གནང་ཕྱོགས། དེ་མིན་ནང་བསྟན་ཞིབ་འཇུག་ཚོགས་པས་ད་ལྟའི་གནས་སྟངས་དང་ཡར་རྒྱས་གཏོང་ཕྱོགས་ཀྱི་ཐོག་བགྲོ་གླེང་གནང་ཡོད་པ་རེད་འདུག

གསར་འགོད་པ་འཆི་མེད།