སྲོལ་རྒྱུན་བོད་སྨན་དང་ཏོག་དབྱིབས་ནད་ཡམས།

གནད་དོན་གླེང་མོལ་གྱི་ལས་རིམ་ནང་།  ཏོག་དབྱིབས་ནད་ཡམས་ཁྱབ་གདལ་རྒྱ་ཆེ་འགྲོ་བའི་སྐབས་འདིར་འཛམ་གླིང་གི་སྨན་ལས་དང་འཕྲོད་བསྟེན་གྱི་ཞབས་ཞུའི་ཁོངས་བོད་ཀྱི་གསོ་བ་རིག་པའི་ཕན་སྐྱེད་གང་ཙམ་བསྒྲུབས་དང་སྒྲུབ་བཞིན་ཡོད་པའི་གནས་ཚུལ་རིམ་པར་ཐོན་བཞིན་ཡོད་པ་ལྟར།  ད་ལྟའི་དུས་འདིར་བོད་ཀྱི་གསོ་བ་རིག་པའི་གཞུང་ལུགས་ཐོག་ནས་སྔོན་ཐོན་ཞབས་ཞུ་བསྒྲུབ་རྒྱུའི་གོ་སྐབས་དམིགས་བསལ་བ་ཞིག་ཡོད་པ་འདི་དམ་འཛིན་བྱེད་ཕྱོགས་དང་བོད་ཀྱི་གསོ་རིག་གཞུང་ལུགས་ཀྱི་ཆེ་མཐོང་གོང་སྤེལ་གཏོང་ཕྱོགས་ཐད།  བཞུགས་སྒར་རྡ་རམ་ས་ལ་ནས་བོད་ཀྱི་སྨན་རྩིས་ཁང་གི་༧སྐུའི་བླ་སྨན་པ་ལྷ་རྗེ་ཚེ་དབང་རྟ་མགྲིན་ལགས་དང་།  ཨ་རིའི་ནིའུ་ཡོག་གྲོང་ཁྱེར་ནང་གནས་བཞུགས་ཉེ་ལམ་ཏོག་དབྱིབས་ནད་འབུ་གསར་པ་འགོས་ཏེ་བོད་སྨན་ཐོག་ནས་དྲག་སྐྱེད་བྱུང་བར་དོ་བདག་གིས་ངོས་འཛིན་ཞུ་བཞིན་པ་གསོ་རིག་སྨན་པ་དབང་འདུས་ལགས་དང་ལྷན་ཨེ་ཤེ་ཡ་རང་དབང་རླུང་འཕྲིན་ཁང་གི་གསར་འགོད་པ་བཀྲིས་དབང་ཕྱུག་ལགས་ཀྱིས་གླེང་མོལ་ཞུས་པར་གསན་རོགས་གནང་།