ལོ ༢༠འི་རྗེས་ཀྱི་ཧོང་ཀོང་གི་གནས་བབ།

འདས་པའི་ལོ ༢༠འི་ནང་ཧོང་ཀོང་གི་ཆབ་སྲིད་གནས་བབ་ལ་འགྱུར་བ་ཅི་ཞིག་ཐེབས་ཡོད་པ་དང་། ཧོང་ཀོང་སྤྱི་ཚོགས་དང་མི་དམངས་ཀྱི་འཚོ་བར་འགྱུར་ལྡོག་ཅི་ཞིག་ཐེབས་ཡོད་པ། དེ་བཞིན་དབྱིན་རྒྱ་མཉམ་འབྲེལ་གསལ་བསྒྲགས་དང་། ཧོང་ཀོང་གཞི་རྩའི་བཅའ་ཁྲིམས་ཟེར་བའི་བྱེད་ནུས། དེ་དང་མཉམ་དུ་འདས་ཟིན་པའི་ཧོང་ཀོང་གི་ཉམས་མྱོང་ལས་ང་ཚོ་བོད་ལ་བསླབ་བྱ་ལེན་རྒྱུ་ཅི་ཞིག་ཡོད་པ། ཐེ་ཝན་སྤྱི་ཚོགས་དང་མི་དམངས་ཀྱིས་རྒྱལ་ཁབ་གཅིག་ལ་ལམ་ལུགས་གཉིས་ཞེས་པའི་སྲིད་ཇུས་ལམ་ལུགས་དེར་ལྟ་ཚུལ་ཅི་ཞིག་བཟུང་ཡོད་པ་ལ་སོགས་པའི་ཐད་ཆེད་མཁས་པ་མཉམད་དུ་བགྲོ་གླེང་བྱེད་རྒྱུ་ཡིན།

དེ་རིང་གི་གདན་ཞུ་སྐུ་མགྲོན་རྣམ་པ་གཉིས་ནི།
བཙན་བྱོལ་བོད་མིའི་སྒྲིག་འཛུགས་ཕྱི་དྲིལ་རྒྱ་ཡིག་སྡེ་ཚན་གྱི་རྩོམ་སྒྲིག་པ་ཟུར་པ་སངས་རྒྱས་སྐྱབས་ལགས་དང་། ཁྲིམས་ལུགས་ཉམས་ཞིབ་པ་སྒྲོལ་མ་སྐྱབས་ལགས་གཉིས་ཡིན།