འཛམ་གླིང་ནང་གི་འདྲ་སྐུ་མཐོ་ཤོས་བཞེངས་རྒྱུ།

འཛམ་གླིང་ནང་གི་འདྲ་སྐུ་མཐོ་ཤོས་དེ་བཞིན་རྒྱ་གར་གྱི་མངའ་སྡེ་Gujurat ནང་བཞེངས་འགོ་བཙུགས་ཡོད་འདུག

དེ་ཡང་གནས་ཚུལ་ལྟར་ན། རྒྱ་གར་ནང་གསར་བཞེངས་གནང་འགོ་འཛུགས་པའི་འདྲ་སྐུ་དེ་རྒྱ་གར་རང་དབང་རང་བཙན་ཐོབ་ནས་ནང་སྲིད་བློན་ཆེན་དང་པོ་གནང་མཁནSardar Patelམཆོག་གི་འདྲ་སྐུ་ཡིན་པ་དང་། འདྲ་སྐུ་དེ་མི་རིང་བར་འཛམ་གླིང་ནང་འདྲ་སྐུ་མཐོ་ཤོས་སུ་འགྱུར་རྒྱུ་ཡིན་པ་དང་། རྒྱ་ནག་གི་ཧེ་ནན་ཞིང་ཆེན་ནང་ཡོད་པའི་སྟོན་པ་སངས་རྒྱས་ཀྱི་སྐུ་དེ་ལས་མི་ཊར་༥༤ ཡིས་མཐོ་བ་ཆགས་རྒྱུ་དང་། ཨ་རིའི་རང་དབང་གི་ལྷ་མོའི་འདྲ་སྐུ་ལས་ལྡབ་གཉིས་ཀྱི་ཆེ་བ་མ་ཟད། Brazilཡུལ་གྱི་སྟོན་པ་ཡི་ཤུའི་སྐུ་Christ the Redeemerཞེས་པ་དེ་ལས་ལྡབ་བཞི་ཡིས་མཐོ་བ་ཆགས་རྒྱུ་ཡིན་པ་རེད།

འདྲ་སྐུ་དེ་བཞེངས་རྒྱུའི་འཆར་གཞི་དེ་རྒྱ་གར་ནུབ་ཕྱོགས་ Gujurat མངའ་སྡེའི་སྤྱི་ཁྱབ་བློན་ཆེན་དང་། ཕྱོགས་འགལ་BJPཚོགས་པའི་འགོ་ཁྲིད་དང་། མ་ཟད་འཆར་ལོའི་ནང་རྒྱ་གར་གྱི་སྲིད་བློན་གྱི་འོས་མི་སྐུ་ཞབས་ Narendra Modiཡིས་དགོངས་གཞི་ཡིན་པ་རེད། འདྲ་སྐུ་དེ་མངའ་སྡེ་དེའི་ནང་གི་ Narmada རྒྱུགས་ཆུའི་མཚོ་གླིང་ཞིག་གི་སྟེང་བཞེངས་གནང་རྒྱུ་ཡིན་པ་མ་ཟད་མཐོ་ཚད་ཡང་མི་ཊར༡༨༢ དང་ཡང་ན་ཕི་ཊི་ ༦༠༠ ཆགས་རྒྱུ་ཡིན་པ་རེད་།

རྒྱ་གར་རང་དབང་རང་བཙན་གྱི་ནང་སྲིད་བློན་ཆེན་དང་པོ་སྐུ་ཞབས་  Sardar Patel མཆོག་ནི་རྒྱ་གར་རང་བཙན་གྱི་འཐབ་རྩོད་ཁྲོད་དབུ་ཁྲིད་བགྲེས་པ་ཞིག་ཡིན་པ་དང་། ཁོང་གིས་རྒྱ་གར་གྱི་སྲིད་བློན་དང་པོ་ Jawaharlal Nehruམཆོག་ལ་ཕྱི་ལོ་ ༡༩༥༠ ལོའི་ནང་རྒྱ་ནག་གིས་བོད་བཙན་འཛུལ་བྱས་པའི་ངན་བྱུས་ཐོག་ཉེན་བརྡ་ལན་མང་བཏང་མྱོང་ཡོད་མཁན་གྱི་དབུ་ཁྲིད་ཞིག་ཀྱང་ཡིན་པ་རེད་འདུག