བོད་དོན་རྒྱབ་སྐྱོར་འཕར་མ་ཞིག་འཚོལ་རྒྱུའི་གོ་སྐབས།

དེ་རིང་ཁ་བའི་གྲོས་རྭ་ལེ་ཚན་ནང་།ད་སྐབས་ཨ་རི་དང་ཁེ་ཎ་ཌའི་གཙོས་པའི་ནུབ་ཕྱོགས་དམངས་གཙོའི་རྒྱལ་ཁབ་ཁག་དང་རྒྱ་ནག་དང་འབྲེལ་ལམ་ཐད་དོ་ཕོགས་ཆེན་པོ་ཞིག་ཐེབས་ཡོད་ཅིང་།རྒྱ་ནག་དང་ཕྱི་འབྲེལ་སྲིད་ཇུས་ཐོག་འདས་པའི་ལོ་བཅུ་ཕྲག་འགའ་ཤས་ནང་བྱུང་མྱོང་མེད་པའི་ཚད་གཞི་དམའ་ཤོས་ཞིག་ལ་སླེབས་ཡོད་པ་གནད་དོན་དབྱེ་ཞིབ་པ་ཚོས་ངོས་འཛིན་བྱེད་ཀྱི་འདུག རྒྱ་ནག་དང་ནུབ་ཕྱོགས་དམངས་གཙོ་རྒྱལ་ཁབ་དབར་གྱི་ཕྱི་འབྲེལ་ཇེ་སྡུག་ཏུ་འགྲོ་བའི་དུས་སྐབས་འདིར་བོད་དོན་རྒྱབ་སྐྱོར་འཕར་མ་ཞིག་འཚོལ་རྒྱུའི་གོ་སྐབས་ཤིག་ཡིན་མིན་དང་།དེ་བཞིན་རྒྱལ་སྤྱིའི་སྟེང་བོད་དོན་རྒྱབ་སྐྱོར་དང་གོ་རྟོགས་ལས་འགུལ་ཇི་ལྟར་གོང་མཐོར་དུ་གཏང་དགོས་པའི་སྐོར་དང་།བོད་རྒྱ་ཞི་འགྲིག་ཡོང་བར་ནུབ་ཕྱོགས་དམངས་གཙོའི་ཡར་ཐོན་རྒྱལ་ཁབ་ཁག་གིས་རྒྱབ་སྐྱོར་ཐད་རེ་བ་ཇི་ཙམ་བསྐྱང་འོས་པ་ཞིག་ཡིན་མིན་གྱི་སྐོར་།ཁེ་ཎ་ཌ་ནང་གནས་བཞུགས་སྲིད་དོན་ཚན་རིག་གི་ཆེད་ལས་པ་དང་དེ་སྔོན་བོད་གཞུང་དཔེ་མཛོད་ཁང་གི་བོད་ཀྱི་དུས་དེབ་ཀྱི་ལག་བསྟར་རྩོམ་སྒྲིག་པ་ཟུར་པ་བསྟན་འཛིན་ཉིན་བྱེད་ལགས་དང་།ཁེ་ཎ་ཌ་བོད་དོན་ལྷན་ཚོགས་ཀྱི་འགན་འཛིན་ཤེས་རབ་མཐར་ཕྱིན་རྣམ་པ་གཉིས་དང་རྩོམ་སྒྲིག་འགན་འཛིན་རྡོ་རྗེ་དགྲ་འདུལ་དབར་བགྲོ་གླེང་བྱེད་པ་ཉན་རོགས་ཞུ།

གསར་འགོད་པ་རྡོ་རྗེ་དགྲ་འདུལ།