ཟམ་གདོང་རིན་པོ་ཆེ་མཆོག་གི་གསུང་ཆོས་།

༄༅།།ཕྱི་ལོ་༢༠༡༤ཟླ་༤ཚེས་༡༥རེས་གཟའ་མིག་དམར་གྱི་དཔལ་ལྡན་རྒྱུ་སྟོད་གྲྭ་ཚང་ནས་ཟམ་གདོང་རིན་པོ་ཆེ་མཆོག་ལ་ཇི་ལྟར་གསོལ་བ་བཏབ་པ་བཞིན་ཉིན་གྲངས་༢༡རིང་པཎ་ཆེན་བློ་བཟང་ཆོས་རྒྱན་གྱིས་མཛད་པའི་བླ་མ་མཆོད་པའི་ཆོ་ག་དང་དགེ་ལྡན་བཀའ་བརྒྱུད་རིན་པོ་ཆེའི་ཕྱག་ཆེན་རྩ་བ་རྒྱལ་བའི་གཞུང་ལམ་གྱི་ལྗགས་ལུང་ཟིན་པ་དང་།དེ་བཞིན་དགེ་ལྡན་བཀའ་བརྒྱུད་རིན་པོ་ཆེའི་བཀའ་སྲོལ་ཕྱག་རྒྱ་ཆེན་པོའི་རྩ་བ་རྒྱས་པར་བཤད་པ་ཡང་གསལ་སྒྲོན་མེའི་ཉམས་ཁྲིད་དང་།གཞི་ལམ་འབྲས་གསུམ་ཕྱག་རྒྱུ་ཆེན་པོའི་ངོ་བོ་ངོས་འཛིན་ལས་བརྩམས་པའི་ཤེས་རབ་དང་བདག་འཛིན་གཉིས་ཀྱི་གཤགས་འདེབས་ཀྱི་ལྗགས་ལུང་བཅས་བཀའ་ཆོས་གནང་གྲུབ་རྗེས་དེ་རིང་དཔལ་ལྡན་རྒྱུ་སྟོད་གྲྭ་ཚང་ནས་བླ་མ་མཆོད་པའི་སྒོ་ནས་མཁའ་འགྲོ་བརྟན་བཞུགས་བསྟར་འབུལ་ཞུས་པའི་སྐོར་ཨེ་ཤེ་ཡ་རང་དབང་རླུང་འཕྲིན་ཁང་གི་གསར་འགོད་པ་ཨོ་རྒྱན་བསྟན་འཛིན་ལགས་ནས་གནས་ཚུལ་ཕྱོགས་སྒྲིག་ཞུས་པར་གསན་རོགས༎