བཙན་བྱོལ་བོད་མིའི་སྒྲིག་འཛུགས་ཀྱི་བཀའ་ཤག་གི་བཀའ་འབྲེལ་འོག་ཉེ་ཆར་རང་ལུས་མེར་སྲེག་གཏོང་མཁན་གཉིས་ཀྱི་ཆེད་མཆོད་འབུལ་སྨོན་ལམ་འཚོགས་པ།

༄༅༎ཕྱི་ཟླ་༣ཚེས་༢༦རེས་གཟའ་ལྷག་པའི་ཉིན་དྷ་ས་ཐེག་ཆེན་ཆོས་གླིང་གཙུག་ལག་ཁང་དུ་དབུས་བོད་མིའི་སྒྲིག་འཛུགས་བཀའ་ཤག་གི་བཀའ་འབྲེལ་འོག་དེ་རིང་རེས་གཟའ་ལྷག་པ་ཉིན་ཆོས་རིག་ལས་ཁུངས་ཀྱི་གོ་སྒྲིག་འོག།ཉེ་ཆར་ཕྱི་ཟླ་༣ཚེས་༡༦ཉིན་བོད་དོན་ཆེད་སྐུ་ལུས་མེར་སྲེག་བཏང་གནང་མཁན་འཇིགས་མེད་བསྟན་འཛིན་ལགས་དང་བློ་བཟང་དཔལ་ལྡན་ལགས་རྣམ་གཉིས་ཀྱིས་གཙོས་ད་བར་བོད་བསྟན་སྲིད་དང་མི་རིགས།རང་དབང་གི་དོན་དུ་ལུས་སྲོག་ལོངས་སྤྱོད་བློས་གཏོང་གནང་མཁན་ཕོ་མོ་འདས་གསོན་ཡོངས་ལ་གཞུང་ཕྱོགས་ནས་གདུང་སེམས་མཉམ་བསྐྱེད་དང་མྱ་ངན་རྗེས་དྲན་ཞུ་སླད་གཞུང་འབྲེལ་སྨོན་ལམ་ཚོགས་གནང་འདུག།

ཡིག་ཐོག་གསར་འགྱུར>>>

བོད་མིའི་སྒྲིག་འཛུགས་བཀའ་ཤག་གི་བཀའ་འབྲེལ་འོག་རེས་གཟའ་ལྷག་པ་ཉིན་ཆོས་རིག་ལས་ཁུངས་ཀྱི་གོ་སྒྲིག་བྱས་ནས་ཉེ་ཆར་ཕྱི་ཟླ་༣ཚེས་༡༦ཉིན་བོད་དོན་ཆེད་སྐུ་ལུས་མེར་བསྲེགས་བཏང་གནང་མཁན་འཇིགས་མེད་བསྟན་འཛིན་ལགས་དང་། བློ་བཟང་དཔལ་ལྡན་ལགས་རྣམ་གཉིས་ཀྱིས་གཙོས་ད་བར་བོད་བསྟན་སྲིད་དང་མི་རིགས། རང་དབང་གི་དོན་དུ་ལུས་སྲོག་ལོངས་སྤྱོད་བློས་གཏོང་གནང་མཁན་ཕོ་མོ་འདས་གསོན་ཡོངས་ལ་གཞུང་ཕྱོགས་ནས་གདུང་སེམས་མཉམ་བསྐྱེད་དང་མྱ་ངན་རྗེས་དྲན་ཞུ་སླད་གཞུང་འབྲེལ་སྨོན་ལམ་ཚོགས་གནང་ཡོད་པ་དང་། ཉིན་དེའི་ཕྱེད་ཡོལ་ཕྱག་ཚོད་༤པ་ནས་ལས་ཁུངས་ཁག་སྒོ་རྒྱབ་པ་དང་། རྡ་ས་ཐེག་ཆེན་ཆོས་གླིང་གཙུག་ལག་ཁང་གི་རྟེན་མཆོག་སྤྱན་སྔར་མཆོད་སྤྲིན་འབུལ་བཤམ་དང་འབྲེལ། མཆོད་འབུལ་སྨོན་ལམ་གྱི་ཚོགས་མགོན་དུ་རྣམ་རྒྱལ་གྲྭ་ཚང་གི་མཁན་པོ་ཁྲོམ་ཐོག་རིན་པོ་ཆེ་མཆོག་དབུ་བཞུགས་ཐོག་སྲིད་སྐྱོང་བློ་བཟང་སེང་གེ་མཆོག་གིས་དབུས་མང་གཙོའི་ཀ་བ་གསུམ་གྱི་མཛད་གཙོ་རྣམ་པ་དང་། བོད་མི་མང་སྤྱི་འཐུས་རྒྱུན་ལས་རྣམ་པ་གཙོས་མི་གྲངས་བརྒྱ་ཕྲག་བརྒལ་བ་འདུ་འཛོམས་ཀྱིས་སྨོན་ལམ་གསུང་འདོན་གནང་ཡོད། དེ་ནས་སྲིད་སྐྱོང་མཆོག་གིས་མཆོད་འབུལ་སྨོན་ལམ་དང་འབྲེལ་བའི་གསུང་བཤད་གནང་རྗེས་ཕྱི་དྲོ་ཆུ་ཚོད་ ༥ བར་སྨོན་ལམ་གསུང་འདོན་གནང་འདུག  
གསར་འགོད་པ་རིག་ལྡན་སྒྲོལ་མ།