བོད་གཞིས་བྱེས་མཉམ་འཛོམས་མ་བྱུང་བར་ངས་ལོ་གསར་སྲུང་བརྩི་ཞུ་རྒྱུ་མིན་ཞེས་པའི་ལས་འགུལ།

༄༅། །ཐེངས་འདིའི་གངས་ལྗོངས་གླེང་སྟེགས་ཀྱི་སྐབས་སུ་བབ་པའི་གླེང་བྱ་ནི། ཆབ་སྲིད་བཙོན་ཟུར་བསྟན་པ་དར་རྒྱས་ལགས་ཀྱིས་སྤེལ་མུས་སུ་ཡོད་པའི་བོད་གཞིས་བྱེས་མཉམ་འཛོམས་མ་བྱུང་ན་ངས་ལོ་གསར་སྲུང་བརྩི་ཞུ་རྒྱུ་མིན་ཞེས་པའི་ལས་འགུལ་དེའི་སྐོར་ཡིན་ལ། གཙོ་བོ་སྐུ་ཞབས་བསྟན་པ་དར་རྒྱས་ལགས་ཀྱིས་དེ་ལྟ་བུའི་ངོ་རྒོལ་ལས་འགུལ་ཞིག་ལོ་གསར་ཚེས་གཅིག་གི་ཉིན་མོར་སྤེལ་དགོས་པའི་དགོས་པ་དང་རྒྱུ་མཚན། དམིགས་ཡུལ་སོགས་ཀྱི་ཐད་བསྟན་པ་དར་རྒྱས་ལགས་དང་མཉམ་དུ་སྟག་ལྷ་རྒྱལ་ལགས་ཀྱིས་བགྲོ་གླེང་ཞུས་པར་གསན་རོགས་ཞུ།།