རྒྱ་གར་གྱི་ཆེས་མཐོའི་གཟེངས་རྟགས་དེ་༧གོང་ས་མཆོག་ལ་འབུལ་དགོས་པའི་འབོད་སྐུལ།

རྒྱ་གར་བོད་དོན་རྒྱབ་སྐྱོར་ཚོགས་པའི་བོད་དོན་ལས་འགུལ་སྤེལ་ཕྱོགས་ཀྱི་དྲ་ཐོག་ཚོགས་འདུ་སྐབས་སུ་ཚོགས་བཅར་བ་ཡོངས་ཀྱིས་བོད་ཀྱི་བླ་ན་མེད་པའི་དབུ་ཁྲིད་༧གོང་ས་སྐྱབས་མགོན་ཏཱ་ལའི་བླ་མ་མཆོག་ལ་རྒྱ་གར་གྱི་ཆེས་མཐོའི་གཟེངས་རྟགས་དེ། བྷ་རཏ་རཏྣ་འབུལ་དགོས་པའི་འབོད་སྐུལ་དང་ལས་འགུལ་ཤུགས་ཆེར་སྤེལ་རྒྱུའི་སྐོར་བསམ་ཚུལ་གཅིག་གྱུར་བྱུང་ཡོད་པ་དང་། དེ་བཞིན་ཉེ་ལམ་རྒྱ་དཀར་ནག་གཉིས་ཀྱི་བོད་ཀྱི་ས་མཚམས་ལ་དྭགས་ཁུལ་ཏུ་འཐབ་འཛིང་བྱུང་བ་དང་རྒྱ་ནག་ནས་ཏོག་དབྱིབས་ནད་ཡམས་ཁྱབ་པའི་སྟབས་ཀྱིས་རྒྱ་གར་གཞུང་དམངས་གཉིས་ཀས་རྒྱ་ནག་ལ་འཛིན་པའི་ལྟ་སྟངས་དེར་འགྱུར་བ་ཐེབས་ཀྱི་ཡོད་པའི་དུས་སྐབས་དེ་བཟུང་ནས་རེ་བ་ཆེན་པོས་ཐོག་ནས་རྒྱ་གར་ནང་བོད་དོན་རྒྱབ་སྐྱོར་གྱི་ལས་འགུལ་སྔ་ལས་ལྷག་པ་ཤུགས་ཆེ་རུ་སྤེལ་ཐབས་དང་དེའི་ཕན་ནུས་ཀྱི་སྐོར་རྒྱལ་ས་ལྡི་ལི་གཏན་གཞི་བྱེད་པའི་འཕགས་བོད་འབྲེལ་མཐུད་ལས་ཁང་གི་
འགན་འཛིན་འཇིགས་མེད་ཚུལ་ཁྲིམས་ལགས་དང་རྩོམ་སྒྲིག་འགན་འཛིན་རྡོ་རྗེ་དགྲ་འདུལ་ལགས་ཀྱི་དབར་གླེང་གནང་བར་གསན་རོགས་ཞུ།།