གསར་འགྱུར་ཡིག་ཚགས།
2025-04-03
ཕྱི་ལོ་ ༢༠༢༥ ཟླ་ ༤ ཚེས་ ༣ རེས་གཟའ་ཕུར་བུའི་ཉིན་བཞུགས་སྒར་༸རྒྱལ་བའི་ཕོ་བྲང་དུ་བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆན་པོ་མཆོག་གིས། འབྲུག་པ་ཐུགས་སྲས་རིན་པོ་ཆེ་མཆོག་དབུས་པའི་རྒྱ་གར་བྱང་ཤར་གྱི་འབྲུག་གསང་སྔགས་ཆོས་གླིང་དང་བལ་ཡུལ་གྱི་འབྲུག་ཨ་མི་ཏ་བྷ་བཙུན་དགོན་གཉིས་ཀྱི་དགེ་བཙུན་ ༣༠༠ ལྷག་དང་། སྤི་ཏིའི་རྒས་གསོ་ཁང་གི་བགྲེས་སོང་སོགས་དད་ལྡན་མཇལ་ཞུ་བ་ཁྱོན་བཞི་བརྒྱ་ལྷག་ཙམ་ཞིག་ལ་མཇལ་ཁ་སྩལ་གནང་མཛད་སོང་།
2025-04-02
༸གོང་ས་༸སྐྱབས་མགོན་ཆེན་པོ་མཆོག་ལ་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ། རྒྱ་གར་རྡོ་རྗེ་གླིང་གི་འབྲུག་གསང་སྔགས་ཆོས་གླིང་དབུས་པའི་ཀ་རྡོར་སྒང་གསུམ་དང་ལ་དྭགས། ཁུ་ནུ། གར་ཞ་དང་བལ་ཡུལ་བཅས་ཧི་མ་ལ་ཡའི་རི་བརྒྱུད་ཁུལ་དུ་གནས་འཁོད། འབྲུག་པ་བཀའ་རྒྱུད་པའི་ལྷ་སྡེ་མི་སྡེ་ཡོངས་ཀྱིས་འབྲུག་པ་ཐུགས་སྲས་རིན་པོ་ཆེ་མཆོག་རྡོ་རྗེ་སློབ་དཔོན་དུ་དབུ་བཞུགས་གནང་སྟེ། ཚེ་དཔག་མེད་ལྷ་གཅིག་བུམ་གཅིག་གི་ཚེ་སྒྲུབ་གནད་དུ་སྨིན་པ་གནང་བའི་བརྒྱུད། བརྟན་བཞུགས་རྒྱས་པ་ཞིག་བསྟར་འབུལ་ཞུས་པ།
2025-04-01
ཟླ་ ༤ ཚེས་ ༢ རེས་གཟའ་ལྷག་པའི་ཉིན་རྒྱ་གར་བྱང་ཤར་རྡོ་རྗེ་གླིང་དུ་རྟེན་གཞི་བྱས་པའི་འབྲུག་གསང་སྔགས་ཆོས་གླིང་དང་བལ་ཡུལ་གྱི་འབྲུག་ཨ་མི་ཏ་བྷ་བཙུན་དགོན་གཉིས་གཙོ་བོ་འགྱུར་བའི་ཡོན་བདག་རྣམས་ནས། བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་འདི་ལོ་བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་སྐུའི་གོ་སྟོན་དང་བསྟུན། མགོན་པ་གང་ཉིད་སྐུ་ཚེ་ཡུན་རིང་བརྟན་ཆེད་དུ་ཚེ་དཔག་མེད་ཞི་ཁྲོ་ཆོ་གའི་སྒོ་ནས་བརྟན་བཞུགས་བསྟར་འབུལ་ཞུ་རྒྱུ་རེད་འདུག
