སྙན་གྲགས་ཅན་གྱི་མཐོ་སློབ་ཅིག་ཏུ་བཀའ་སློབ།

༄༅།    །སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ནས་རྒྱ་གར་གྱི་རྒྱལ་ས་ལྡི་ལིར་དེ་རིང་ཕྱི་ཚེས་༢༠ཉིན་ མཛེ་ནད་ནད་གཅོང་གསོ་སྐྱོང་ཁང་ཞིག་ཏུ་འཚམས་གཟིགས་དང་འབྲེལ།    ནད་གཅོང་བ་རྣམས་ཀྱི་གནས་སྟངས་ལ་ཐུགས་ཞིབ་གནང་ཡོད་པ་དང་།    ཉིན་རྒྱབ་ལྡི་ལིར་རྟེན་གཞི་བྱེད་པའི་སྙན་གྲགས་ཅན་གྱི་བུད་མེད་ཀྱི་མཐོ་རིམ་སློབ་གྲྭ་ ལེ་ཌི་ ཤྲི་ རམ་(Lady Shri Ram) ཞེས་པའི་མཐོ་རིམ་སློབ་གྲྭའི་དགེ་སློབ་ཆིག་སྟོང་བརྒལ་བར་ཡ་རབས་ཀྱི་ཀུན་སྤྱོད་དང་། བདེ་སྐྱིད་ཀྱི་སྐོར་ལ་བཀའ་སློབ་ལམ་སྟོན་གནང་འདུག    དེའི་སྐོར་ང་ཚོའི་ས་གནས་གསར་འགོད་པ་ཇོ་ལེབ་ཆོས་འཕེལ་ལགས་ཀྱིས་བཏང་བའི་གནས་ཚུལ་ལ་གསན་རོགས་གནང་།།