ཟབ་གསང་ཆོས་འཁོར་གླིང་དབུ་འབྱེད།
2014.04.28
༸གོང་ས་མཆོག་ནས་ཟབ་གསང་ཆོས་འཁོར་གླིང་དབུ་འབྱེད་རབ་གནས་མཛད་བཞིན་པ། ཕྱི་ལོ་༢༠༡༤ཟླ་༤ཚེས་༢༨།
> ཟབ་གསང་ཆོས་འཁོར་གླིང་དབུ་འབྱེད། བློ་བྷེ།<p
>ཟབ་གསང་ཆོས་འཁོར་གླིང་དབུ་འབྱེད། བློ་བཟང་ཆོས་འཕེལ།།
༄༅༎ཕྱི་ཟླ་༤ཚེས་༢༨རེས་གཟའ་ཟླ་བའི་ཉིན་སྦིར་ཅོན་ཏ་རར་རྟེན་གཞི་བྱས་པའི་སྔ་འགྱུར་རྙིང་མའི་དགོན་པ་ཟབ་གསང་ཆོས་འཁོར་གླིང་གི་འདུས་དམངས་ཡོངས་ནས་ཇི་ལྟར་སྔོན་ནས་གསོལ་འདེབས་ཞུས་དོན་ལྟར་བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ནས་དབུ་འབྱེད་རབ་གནས་མཛད་ནས་མང་ཚོགས་ལ་བཀའ་སློབ་སྩལ་ཡོད་པ་དང་།དེ་བཞིན་སྲིད་སྐྱོང་མཆོག་དང་སྤྱི་འཐུས་ཚོགས་གཙོ་ནས་ཡང་མང་ཚོགས་ལ་གསུང་བཤད་གནང་བའི་སྐོར་གསན་རོགས༎
ཡིག་ཐོག་གསར་འགྱུར།
བོད་ཀྱི་བླ་ན་མེད་པའི་དབུ་ཁྲིད་༧སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་ལ། བཞུགས་སྒར་རྡ་རམ་ས་ལ་དང་བར་ཐག་ཉེ་བའི་རྒྱ་གར་བྱང་ཕྱོགས་སྦིར་ཅོན་ཏ་རར་རྟེན་གཞི་བྱས་པའི་སྔ་འགྱུར་རྙིང་མའི་དགོན་པ་ཟབ་གསང་ཆོས་འཁོར་གླིང་གི་འདུས་དམངས་ཡོངས་ནས་ཇི་ལྟར་སྔོན་ནས་གསོལ་འདེབས་ཞུས་པ་ལྟར་ཚེས་༢༨ཉིན་༧གོང་ས་མཆོག་གིས་སྔ་འགྱུར་རྙིང་མའི་དགོན་པ་ཟབ་གསང་ཆོས་འཁོར་གླིང་གསར་བཞེངས་ལེགས་གྲུབ་ཀྱི་དབུ་འབྱེད་རབ་གནས་གནང་ཡོད་པ་དང་། དགོན་པ་དེའི་མཚན་ཡང་༧གོང་ས་མཆོག་གིས་སྩལ་གནང་བ་ཡིན་པ་རེད། དེ་ནས་འབྲེལ་ཆོས་འབྲེལ་གྱི་མཛད་རིམ་ཁག་འགྲུབ་རྗེས་༧གོང་ས་མཆོག་གྷོ་པ་པུར་བོད་ཁྱིམ་སློབ་གྲྭར་ཆིབས་སྒྱུར་བསྐྱང་རྒྱུ་ཡིན་པ་རེད།
གསར་འགོད་པ་ཚེ་བརྟན་རྡོ་རྗེ།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གིས་ཨ་རིར་གཞུང་འབྲེལ་ཕྱོགས་ཕེབས་དང་འབྲེལ་ཨ་རིའི་བོད་དོན་དམིགས་བསལ་འབྲེལ་མཐུད་པ་བསྐོ་གཞག་དགོས་པའི་འབོད་སྐུལ་ཞུས་འདུག
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག