ཨ་མདོ་རྔ་བ་ཁུལ་དུ་ལོ་གསར་སྲུང་བརྩི་བྱ་རྒྱུ་མིན་པ།

༄༅༎བོད་ཨ་མདོ་རྔ་བ་ཁུལ་གྱི་བོད་མི་ཚོས་ཉིས་སྟོང་བརྒྱད་ལོའི་བོད་མིའི་ཞི་རྒོལ་སྐབས་འདས་གྲོངས་སུ་གྱུར་བའི་རྒྱལ་གཅེས་དཔའ་བོ་དཔའ་མོ་རྣམས་ལ་རྗེས་དྲན་དང་།འཛིན་བཟུང་བཙོན་འཇུག་བྱས་ནས་སྡུག་སྦྱོང་མྱང་དང་མྱོང་བཞིན་པའི་བོད་རིགས་སྤུན་ཟླ་རྣམས་ལ་གདུང་སེམས་མཉམ་སྐྱེད་མཚོན་ཆེད་དུ།འདི་ལོ་ཡང་ལོ་གསར་སྲུང་བརྩི་བྱ་རྒྱུ་མིན་པའི་སེམས་ཐག་གཙང་མ་བཅད་ཡོད་པའི་སྐོར།མིང་འདོན་གནང་འདོད་མེད་པའི་འབྲེལ་ཡོད་མི་སྣ་ཞིག་གིས་འདི་གའི་གསར་འགོད་པ་དཀར་མཛེས་བསོད་ནམས་དབང་འདུས་ལགས་སུ་གནས་ཚུལ་ངོ་སྤྲོད་གནང་བར་གསན་རོགས༎