ཟབ་སྦྱོང་ཐོག་གསུང་བཤད།

གསར་འགྱུར་ལ་གསན་རོགས་གནོངས།

༄༅༎ཕྱི་ཟླ་དྲུག་པའི་ཚེས་བཅུ་གསུམ་རེས་གཟའ་སྤེན་པའི་ཉིན།བོད་ཀྱི་གྲོས་ཚོགས་དང་སྲིད་བྱུས་ཉམས་ཞིབ་ཁང་གི་གོ་སྒྲིག་འོག་བཞུགས་སྒར་དུ་ཚོགས་བཞིན་པའི་དེང་གི་ན་གཞོན་དང་མ་འོངས་པའི་འགོ་ཁྲིད་ཟེར་བའི་བོད་རིགས་མཐོ་སློབ་ཀྱི་་སློབ་གཉེར་བ་ཁག་གི་ཟབ་སྦྱོང་ཉིན་ལྔ་པའི་ཐོག་བཙན་བྱོལ་གཞུང་གི་བཀའ་བློན་ཁྲི་པ་མཁས་དབང་ཟམ་གདོང་རིན་པོ་ཆེ་མཆོག་གིས་གསུང་བཤད་གནང་བའི་ནང་།ཉེ་སྔོན་རྒྱ་ནག་ཏུ་ཕུལ་བའི་བསམ་འཆར་ཡིག་ཆ་དེའི་དོན་ཚན་གཅིག་ལའང༌།རྒྱ་ནག་ཕྱོགས་ནས་ལུགས་དང་མཐུན་པ་དང་།ཁྲིམས་དང་མཐུན་པ་ཞིག་གི་ཐོག་ནས་ལན་འདེབས་གཅིག་ཡང་གསལ་སྟོན་བྱེད་མེད་ལུགས་གསུངས་བའི་སྐོར་འདི་གའི་གསར་འགོད་པ་རྡོ་གཅོད་བསྟན་འཛིན་དབང་རྒྱལ་གྱིས་གནས་ཚུལ་ཕྱོགས་སྒྲིག་དང་སྙན་སྒྲོན་ཞུས་པ་ཞིག་ལ་གསན་རོགས་གནོངས༎