ກອງປະຊຸມສື່ມວລຊົນ ທີ່ກຸງປັກກິ່ງ

ກອງປະຊຸມ ປະຈຳປີຂອງ ບັນດາ ສື່ມວລຊົນ ທີ່ຈັດຂຶ້ນເປັນ ເທື່ອທຳອິດຢູ່ ປະເທສຈີນ ໃນວັນທີ່ 25-26 ພືສພາ ນີ້ນັ້ນ ມີຜູ້ເຂົ້າຮ່ວມກວ່າ 800 ຄົນ ຈາກພູມີພາຄ ເອເຊັຽ ປາຊີຟິກ ຢູໂຣປ ອັຟຣີກາ ຕາເວັນອອກກາງ ແລະທະວີບ ອະເມຣິກາເໜືອ ນຳດ້ວຍ ຊຶ່ງເປັນກາຣ ປະຊຸມເພື່ອຫາ ວິທີທາງໃຫ້ ຄວາມຊ່ວຍເຫລືອ ແຮງງານ ຈາກບັນດາປະເທສ ຕ່າງໆທີ່ແສວງຫາ ວຽກເຮັດງານທຳ ຢູ່ໃນປະເທສອື່ນ.

ທ່ານ Jijiwa ໄດ້ກ່າວເນັ້ນວ່າ ແຮງງານຕ່າງດ້າວ ທີ່ອາສັຍເຮັດ ວຽກງານ ຢູ່ປະເທສອື່ນ ສ່ວນຫລາຍກໍມັກ ຈະຖືກທາງ ສື່ມວລຊົນ ກ່າວຫາວ່າ ເປັນຜູ້ສ້າງບັນຫາ ໃຫ້ແກ່ປະເທສ ທ້ອງຖິ່ນ ດ້ວຍກາຣເຂົ້າໄປ ຍາດແຍ່ງ ວຽກກາຣງານ ແຕ່ໃນຂະນະ ດຽວກັນ ແຮງງານດັ່ງກ່າວ ກໍມີສ່ວນປະກອບ ເຂົ້າໃນກາຣສ້າງສາ ເພີ່ມທະວີກາຣ ພັທນາເສຖກິຈ ໃນແຕ່ລະປະເທສ ນັ້ນໆເຊັ່ນກັນ.