ຊາວສວນ ກາເຟ ເມືອງປາກຊ່ອງ

ທ້າວ ວຽງຄຳ ພະນັກງານ ສະມາຄົມກາເຟ ທີ່ເມືອງປາກຊ່ອງ ໃຫ້ການວ່າ ໂຄງການພັທນາ ແຮ່ທາດບອກໄຊ ໃນແຂວງ ອັຕະປື ທີ່ຄວບງຳ ມາຮອດເມືອງ ປາກຊ່ອງ ປະມານ 50ກິໂລແມດນັ້ນ ຈະສົ່ງຜົລ ກະທົບຕໍ່ພື້ນທີ່ ໃນການ ປູກກາເຟ ແລະພືດພັນເພື່ອ ສົ່ງອອກ ປະເພດຕ່າງໆ ຖ້າຫາກຫນ່ວຍງານ ທີ່ກ່ຽວຂ້ອງ ບໍ່ມີການສຳ ຣວດຢ່າງຈີງຈັງ ກຸ່ມຂອງທ່ານ ຢາກຮຽກຮ້ອງໃຫ້ ຣັຖບານ ຈັດສັນທີ່ດີນ ຢ່າງຈະແຈ້ງ ເພື່ອບໍ່ໃຫ້ ເດືອດຮ້ອນຊາວ ກະສິກອນ ຜູ້ທີ່ດຳຣົງ ຊີບມາເປັນ ເວລາດົນນານ.

ທ່ານຍັງບອກ ອີກວ່າຖ້າທຽບ ການປູກກາເຟ ແລະພືຕພັນ ຊນີດຕ່າງໆ ກັບການ ຂຸດແຮ່ທາດ ບອກໄຊແລ້ວ ອັນໃດຈະດີ ກວ່າກັນ ສຳລັບແຮ່ທາດ ບອກໄຊນັ້ນ ໃນລະຍະ 50ປີກໍຈະຫົມດໄປ ແລະຫລັງຈາກນັ້ນ ດີນກໍ່ຈະໃຊ້ ການບໍ່ໄດ້ແຕ່ ການກະເສດນັ້ນ ເປັນການຫາລ້ຽງ ຊີບແບບຢືນຢົງ ມາໄດ້ຫລາຍ ເຊັ່ນຄົນແລ້ວ.

ໃນຂະດຽວກັນ ທ່ານ ສຸປານີ ສີຣິປຸນໂຍ ຫົວຫນ້າພແນກ ກະສີກັມ ປ່າໄມ້ ປະຈຳແຂວງ ຈຳປາສັກ ກໍ່ເວົ້າວ່າ ການຂຸດຄົ້ນ ແຮ່ທາດບອກໄຊ ຕາມແນວຊາຍແດນ ຣະຫວ່າງແຂວງ ອັຕປືກັບ ເມືອງປາກຊ່ອງນັ້ນ ແນ່ນອນ ຈະສົ່ງຜົລກະທົບ ຕໍ່ສະພາບ ແວດລ້ອມ.