ຊາວລາວພູມໃຈໃນພິທີເປີດ ງານມະຫາກັມກິລາຊີເກມສ໌

ພິທີເປີດງານມະຫາກັມ ກິລາຊີເກມສ໌ ຄັ້ງທີ່ 25 ຂອງລາວ ທີ່ນະຄອນຫລວງວຽງຈັນ ໃນວັນທີ 9 ທັນວາ ເປັນໄປດ້ວຍດີ ປະຊາຊົນລາວ  ພ້ອມດ້ວຍຫນ່ວຍງານ ທີ່ກ່ຽວຂ້ອງຕ່າງໆ ມີຄວາມພາກພູມໃຈ ໃນພິທີເປີດງານຄັ້ງນີ້ ທີ່ເຕັມໄປດ້ວຍແສງສີ ແລະການສະແດງປະເພດຕ່າງໆ. ດັ່ງເຈົ້າຫນ້າທີ່ກ່ຽວຂອ້ງ ທ່ານນື່ງກ່າວກ່ຽວ ກັບເຮື້ອງນີ້ວ່າ:

"ຂ້າພຣະເຈົ້າພູມໃຈຫລາຍ ທີ່ນັກສະແດງພວກເຮົາ ຈຳນວນ 8 ພັນຊີວີດ ພ້ອມດ້ວຍພາກສ່ວນ ຕ່າງໆຂອງຄນະກັມມະການ ຈັດງານມະຫາກັມ ກິລາຊີເກມສ໌ ຄັ້ງທີ 25 ພວກເຮົາໄດ້ພ້ອມຈິດພ້ອມໃຈ ຮ່ວມມືຮ່ວມແຮງກັນ ພວກເຮົາຄົນລາວຍີນດີ ຕ້ອນຮັບແຂກບ້ານແຂກເມືອງ ຂອງພວກເຮົາ".

ທ່ານກ່າວຕໍ່ໄປວ່າ ການສະແດງນອກຈາກສີສັນ ແລະຄວາມສວຍງາມແລ້ວ ຍັງບອກເຖີງ ວັທນະທັມປະເພນີ ແລະປວັດສາດທີ່ເປັນມາ ຂອງລາວ ແກ່ຊາວໂລກໄດ້ ຮັບຮູ້ນຳອີກ ທີ່ສ້າງຄວາມປະທັບໃຈ ໃຫ້ແກ່ຄົນລາວທັງຊາດ. ການເປັນເຈົ້າພາບ ກິລາຊີເກມສ໌ ຂອງລາວເທື່ອນີ້ ນອກຈາກຈະສ້າງ ຄວາມປະທັບໃຈແກ່ຄົນລາວ ໂດຍທົ່ວໄປແລ້ວຍັງ ສ້າງຄວາມສາມະຄີ ໃນກຸ່ມຄົນລາວ ໃນທົ່ວປະເທດນຳອີກ. ທ່ານກ່າວເພີ້ມອີກວ່າ:

"ແຕ່ອັນສຳຄັນທີ່ສຸດນັ້ນ ພກວເຮົາໄດ້ສະແດງ ໃຫ້ບັນດາປະເທດເພື່ອນມີດ ໄດ້ເຫັນວ່າ ປະຊາຊົນລາວເຮົາ ມີຄວາມເປັນນ້ຳນື່ງ ໃຈດຽວກັນ ມີຄວາມສາມະຄີ ປອງດອງກັນ."

ໃນທີ່ສຸດ ທ່ານວ່າ ຄຳຂວັນ ໃນພິທີເປີດງານ ມະຫາກັມກິລາຊີເກມສ໌ ທີ່ລາວເປັນເຈົ້າພາບນັ້ນ ຈະເນັ້ນຫນັກໃສ່ ຮີດຄອງ ປະເພນີແລະປວັດສາດ ຄວາມເປັນມາ ຂອງຊາດລາວ ເປັນຫລັກ ຮ່ວມດ້ວຍມູມມອງ ແລະຈີນຕະນາການ ຂອງລາວ ໃນອະນາຄົດ.