ລາວ ອາຈບໍ່ເກັບຄ່າຄອດລູກ

ການທີ່ກະຊວງ ສາທາຣະນະສຸກ ລາວ ມີແຜນການທີ່ ຈະບໍ່ເກັບຄ່າ ໃຊ້ຈ່າຍສຳລັບ ຜູ້ຍີງທີ່ຈະ ມາຄອດລູກທີ່ ໂຮງພຍາບານ ນັ້ນ ກໍ່ເພື່ອຊ່ວຍເຫລືອ ປະຊາຊົນ ຜູ້ທີ່ ທຸກຈົນ ແລະເພື່ອລຸດຜ່ອນ ການຕາຍຂອງ ແມ່ຍີງ ຍ້ອນການອອກລູກ ໃນເຮືອນລົງ ໂດຍສເພາະໃນ ເຂດຊົນນະບົດ ທີ່ກຳລັງ ປະຕິບັດກັນ ຢູ່ໃນເວລານີ້ ດັ່ງເຈົ້າຫນ້າ ທີ່ຈາກ ໂຮງພຍາບານ ແມ່ແລະເດັກ ນາງນື່ງເວົ້າວ່າ:

ຣັຖບານຈະເບີ່ງ ຄືນໃຫມ່ວ່າ ພວກເຮົາຈະໃຫ້ ບໍຣິການ ອັນໃດຟຣີກັບ ແມ່ແລະເດັກ ໂດຍສເພາະ ເຮື້ອງການເກີດລຸູກ ຄິດວ່າໂອກາດ ອັນໃກ້ໆນີ້ ຮັຖບານຈະ ພຍາຍາມ ແກ້ໃຂໃຫ້ ແມ່ຍີງມາເກີດ ລູກທີ່ໂຮງ ຫມໍຟຣີ  ໂດຍທີ່ບໍ່ຄິດຄ່າ.

ນາງວ່າ ການເກີດລູກທີ່ ໂຮງພຍາບານ ໃນລາວ ໃນເຂດຕົວເມືອງ ມີພຽງແຕ່ 20 ສ່ວນຮ້ອຍເທົ່ານັ້ນ ສ່ວນເຫລືອ 80 ສ່ວນຮ້ອຍ ແມ່ນເກີດໃນເຂດ ຊົນນະບົດ ທີ່ເຮັດ ໃຫ້ຄວາມສ່ຽງ ຂອງການຕາຍຂອງ ຜູ້ເປັນແມ່ຫລາຍ ຂື້ນເພາະຄອດລູກ ເອງໃນເຮືອນ, ທາງການຢາກ ຊັກຊວນໃຫ້ ຂະເຈົ້າມາຄອດ ລູກທີ່ ໂຮງພຍາບານ ໃນເມືອງ ແຕ່ເລື້ອງຄ່າໃຊ້ ຈ່າຍແລະການເດີນ ທາງເປັນບັນຫາ ແກ່ພວກຂະເຈົ້າ ໃນເວລານີ້.

ປັດຈຸບັນ ການຕາຍຂອງ ຜູ້ຍີງຈາກການ ຄອດລູກໃນເຮືອນ ຍັງສູງຢູ່ ໃນລາວ ທາງການຢາກລຸດ ອັຕຣາການຕາຍລົງ ໃນອານາຄົດ ຈື່ງພິຈາຣະນາ ບໍ່ເກັບຄ່າໃຊ້ຈ່າຍ ແກ່ພວກຂະເຈົ້າ.