ວຽດນາມ ວາງແຜນຮັບມື ເຊື້ອ ໄຂ້ຫວັດໝູ

ເຈົ້າໜ້າທີ່ ສາທາຣະນະສຸກ ນະຄອນໂຮຈີມິນ ຂອງວຽດນາມ ກ່າວວ່າພວກຕົນ ໄດ້ຈັດແຜນການ ເພື່ອຮັບມືກັບ ການຣະບາດ ຂອງເຊື້ອໂຣກ ໄຂ້ຫວັດສາຍພັນ A/H1N1 ໄວ້ສາມ ສະພາບການ.
ສົມເນ
2009.06.17
F-Pork ແມ່ຄ້າຂາຍຊີ້ນໝູ ຢູ່ຕລາດທາງ ພາກເໜືອຂອງ ເມືອງເຊິນຫລ້າ ປະເທດວຽດນາມ ແລະວຽດນາມ ກໍເປັນປະເທດ ອັນດັບສອງໃນ ໂລກທີ່ມີຜູ້ ເສັຽຊີວິດ ຫລາຍທີ່ສຸດ ໃນຕອນທີ່ ໂຣກໄຂ້ຫວັດນົກ ຣະບາດ ຄັ້ງທີ່ຜ່ານມາ ໃນລະຍະນີ້ ວຽດນາມ ຍັງປາສຈາກໂຣກ ໄຂ້ຫວັດໝູຢູ່(ຮູປຖ່າຍ5ພຶສພາ2009)
Photo:AFP
N80617SN
ສຽງບັນທຶກໄວ້ ດາວໂລ້ດ

ແຜນການຮອງຮັບ ສະພາບການ ທີ່ນຶ່ງ-ໃນເມື່ອ ມີຈໍານວນຄົນ ຕິດເຊືອໂຣກນີ້ ມີເຖິງ500ຄົນ ໂຮງພະຍາບານ ພະຍາດເມືອງຮ້ອນ ນະຄອນ ໂຮ່ຈີມິນ ທີ່ບັນຈຸ ຕຽງນອນຄົນປ່ວຍ ໄດ້550ຕຽງ ຈະຖືກໃຊ້ເປັນ ບ່ອນປິ່ນປົວຜູ້ ຕິດເຊືອໂຣກນີ້.

ໃນຂະນະດຽວກັນ ໂຮງພະຍາບານ Pham Ngoc Thach ໂຮງໝໍເດັກນ້ອຍ ນໍ້າເບີນຶ່ງແລະ ນໍ້າເບີສອງ ຈະເພີ້ມຕຽງນອນ ຕື່ມອີກ 50ຕຽງນອນ ເພື່ອແຍກຄົນ ຕິດເຊື້ອໂຣກ. ແຜນການຮອງຮັບ ທີສອງ ໃນເມື່ອມີຄົນ ຕິດເຊື້ອໂຣກ ໄຂ້ຫວັດມີເຖິງ 500-1,000ຄົນ ຈະໃຊ້ ໂຮງພະຍາບານ ຢູ່ໃນເມືອງ ທີ່ມີຕຽງນອນ ຜູ້ປ່ວຍ 450ຕຽງນອນຕື່ມ ເປັນບ່ອນປິ່ນປົວ ຄົນຕິດເຊື້ອໂຣກ.

ແຜນການຮັບຮອງ ທີສາມ ໃນກໍຣະນີ ທີ່ເຊື້ອໂຣກ ຣະບາດຂື້ນຢ່າງ ຕິດຕໍ່ ແລະມີຄົນຕິດ ເຊື້ອໂຣກຫລາຍກ່ວາ 1,000ຄົນຂື້ນໄປ ຈະໃຊ້ໂຮງຮຽນ ມັທຍົມສອງ ແຫ່ງ ຢູ່ໃນເຂດເມືອງ Cu Chi ແລະ thu duc ເພື່ອປ່ຽນໃຫ້ເປັນ ໂຮງພະຍາບານ ຊົ່ວຄາວທີ່ມີ 2,000ຕຽງນອນ ເປັນບ່ອນປິ່ນປົວ ຄົນຕິດເຊືອໂຣກ.

ໃນສາມແຜນຮັບມື ການແຜ່ຣະບາດ ຂອງເຊື້ອໂຣກນີ້ ທາງການວຽດນາມ ໄດ້ຕັ້ງ ງົບປະມານໄວ້ ປະມານ 7ລ້ານກັບ 6ແສນusd.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.