ຕໍາຣວດ ທໍາລາຍໂບດ

ຂ່າວ Compass Direct News ຣາຍງານວ່າ  ເຈົ້າໜ້າທີ່ ຮັບຜິດຊອບ ເລື່ອງສາສນາ ແຂວງ ບໍຣິຄໍາໄຊ ທີ່ໃຫ້ຊື່ວ່າ ບູນເຫລີມ ກ່າວອ້າງວ່າ ຕໍາຣວດໄດ້ເຂົ້າ ທໍາລາຍ ໂບດແຫ່ງນັ້ນ ຍ້ອນວ່າຖືກສ້າງ ຂຶ້ນໂດຍບໍ່ໄດ້ ຮັບອະນຸຍາດ ຈາກທາງການ.

ສະພາບເຄັ່ງຕຶງ ຣະຫວ່າງ ຊາວລາວຄຣິສຈຽນ ແລະທາງການ ທ້ອງຖີ່ນແຮງຂຶ້ນ ເມື່ອປີກາຍເມື່ອ ເຈົ້າໜ້າທີ່ທ້ອງຖີ່ນ ໄດ້ສັ່ງໃຫ້ ຊາວຄິສຈຽນ ຢ່າງໜ້ອຍ 40 ຄອບ ຄົວ ໃນເຂດບ້ານ ບ້ານໃໝ່ ຍ້າຍໄປຢູ່ ເຂດບ້ານ ໂນນສົມບູນ ຍ້ອນເຫດຜົນ ເລື່ອງການປົກຄອງ ຕາມຣາຍງານຂອງ ກຸ່ມຕິດຕາມ ບັນຫາ ສິດທິມະນຸດ Human Rights Watch ສໍາລັບອົງການ ເພື່ອເສຣີພາບ ທາງສາສນາ ໃນລາວ.

ກ່ອນໜ້ານັ້ນ ທາງການແຂວງ ບໍລິຄໍາໄຊ ກໍໄດ້ໃຫ້ຊາວ ຄຣິສຈຽນລາວ ອອກຈາກອີກ ຫລາຍໝູ່ບ້ານ ໄປຢູ່ບ້ານ ບ້ານໃໝ່ ຊຶ່ງການຈ່າຍຄ່າ ຍົກຍ້າຍນັ້ນ ອົງການເພື່ອ ເສຣີພາບ ທາງສາສນາ ໃນລາວຄາດວ່າ ຈະແມ່ນຄອບຄົວ ທີ່ຖືກໃຫ້ ຍົກຍ້າຍນັ້ນຮັບ ຜິດຊອບເອົາເອງ ຊຶ່ງກໍມີຮວມ ທັງຄ່າປຸກບ້ານ ແລະສ້າງຊີວິດ ໃໝ່ຂອງພວກຕົນ ນໍາອີກ.
ໃນເບື້ອງຕົ້ນ ຊາວບ້ານດັ່ງກ່າວ ກໍປະຕິເສດ ທີ່ຈະຍົກຍ້າຍ ເທື່ອທີສອງ ຊຶ່ງທົ່ວໄປແລ້ວ ກໍແມ່ນຍ້ອນ ເຈົ້າໜ້າທີ່ ທາງການເພິ່ນ ບໍ່ອະນຸຍາດ ໃຫ້ຍ້າຍໂບດ ຂອງພວກ ຕົນ ທີ່ມີຢູ່ນັ້ນ ຫລືສ້າງແຫ່ງໃໝ່ ຂຶ້ນໃນເຂດບ້ານ ໂນນສົມບູນ. ແຕ່ໃນທີ່ສຸດ ກໍຖືກບັງຄັບ ໃຫ້ຍ້າຍ.