ຜົນດີຈາກພະຍຸຮ້ອນ Concon

ພະຍຸລູກດັ່ງກ່າວ ທີ່ຜັດເຂົ້າລາວ ເມື່ອຄືນວັນທີ່ 17 ຫາວັນທີ່ 18 ກໍຣະກະດາ ຜ່ານມາ ເຮັດໃຫ້ມີຝົນຕົກ ແລະບັນເທົາສະພາບ ແຫ້ງແລ້ງທີ່ມີມາ ຊື່ງໃນລະຍະ ຫລັງໆ ເຮັດໃຫ້ບໍ່ມີນ້ຳ ພຽງພໍຕໍ່ການຜລິຕ ປະຊາຊົນ ໄດ້ຮັບຄວາມເສັຍຫາຍ ພ້ອມກັນນັ້ນ ພະຍຸຮ້ອນລູກນີ້ ກໍ່ບໍ່ໄດ້ນຳ ເອົາຄວາມເສັຽຫາຍ ມາສູ່ລາວ ແຕ່ຢ່າງໃດ ຕາມການເປີດເຜີຍ ຂອງເຈົ້າໜ້າທີ່ ກົມອູຕຸນິຍົມວິທຍາ ໃນນະຄອນຫລວງ ວຽງຈັນ:

"ກໍເປັນຜົນດີທີ່ວ່າ ພາຍຸຜັດຜ່ານ ທາງວຽດນາມ ແລະຜ່ານມາທາງ ປະເທດລາວ ກໍເອື້ອອຳນວຍ ເພາະວ່າໃນເດືອນ ທີ່ຜ່ານມາ ຈົນຮອດກາງ ເດືອນກໍຣະກົດ ໂດຍທົ່ວໄປ ນ້ຳຟ້ານ້ຳຝົນ ກໍບໍ່ພຽງພໍ ໃນຣະດູນາປີນີ້ ຫລືວ່າຣະດູ ການຜລິຕ ຈັ່ງຊັ້ນ ໃນຊວງທີ່ ພະຍຸພັດຜ່ານ ເຂົາກໍຖືວ່າ ຟ້າຝົນອຳນວຍດີ".

ທ່ານກ່າວຕໍ່ໄປວ່າ ໃນຂນະທີ່ ພະຍຸເຂດຮ້ອນ ພັດຜ່ານ ເຂົ້າມາລາວນັ້ນ ປາຣິມານນ້ຳຝົນ ທີ່ຕົກທົ່ວທຸກແຂວງ ໃນສປປລາວນັ້ນ ບໍ່ແຮງພໍປານໃດ ຈື່ງໄດ້ສົ່ງຜົນ ໃຫ້ກະສິກອນ ສາມາດຜລິຕ ເຂົ້ານາປີໄດ້. ໃນແຕ່ລະແຂວງ ນ້ຳຝົນທີ່ຕົກນັ້ນ ມີປາຣິມານ ທີ່ເກືອບເທົ່າທຽມກັນ:

"ຜົນກະທົບ ຮ້າຍແຮງມັນບໍ່ມີ ສ່ວນມາກກໍຕົກ ທົ່ວປະເທດ ທາງແຂວງພາກໃຕ້ ກໍເປັນບາງບ່ອນ ທີ່ວ່າມີຝົນຕົກ ໃນຣະດັບ ພໍປານກາງຫາໜັກ ແຂວງພາກກາງ ກໍຕົກ ປານກາງຫາໜັກ ສ່ວນແຂວງພາກເໜືອ ກໍມີໂອເຄນຳ ເພາະວ່າທາງນັ້ນ ກໍຂາດຝົນມາ ຫລາຍຄືກັນ".

ທ່ານກ່າວມ້ວນທ້າຍວ່າ ການພັດຜ່ານຂອງ ພະຍຸເຂດຮ້ອນ Conson ມໍ່ມີຣາຍງານ ວ່າມີແຂວງໃດ ໄດ້ຮັບຜົນເສັຽຫາຍ ແຕ່ຢ່າງໃດ ມີແຕ່ສົ່ງຜົນດີ ໃຫ້ແກ່ກະສິກອນ ລາວເທົ່ານັ້ນ.